Të shtëna me armë zjarri pranë vendit ku u vra Georg Floyd

Kryqëzimi i Minneapolisit, ku ndërroi jetë George Floyd, sërish u bllokua shkaku i të shtënave me armë të martën, vetëm disa orë para se të shënohej përvjetori i vdekjes së tij.

Policia e Minneapolisit tha se oficerët iu përgjigjën bllokut 3800 të Elliott Avenue për një raportim me të shtëna. Policia tha se telefonuesit njoftuan se një automjet u pa të dilte nga zona me një shpejtësi të lartë.

Menjëherë pas kësaj, autoritetet thanë se një person u paraqit në Spitalin Abbott Northwestern me një plagë me armë zjarri. Personi u dërgua në Qendrën Mjekësore të Qarkut Hennepin për trajtim, thanë zyrtarët, duke shtuar se lëndimi nuk mendohej se ishte kërcënues për jetën, raporton nbcchicago.

Nuk ishte menjëherë e qartë nëse personi është plagosur në të shtënat afër George Floyd Square dhe detaje të tjera nuk ishin në dispozicion. Videoja e Associated Press nga vendi i ngjarjes tregoi njerëz që vraponin dhe kërkonin mbulesë ndërsa krisnin të shtënat.

Floyd, 46, i cili ishte afro-amerikan, vdiq vitin e kaluar pasi oficeri i atëhershëm, Derek Chauvin i vuri gjurin në qafë për rreth 9 1/2 minuta. Chauvin, i cili është i bardhë, u dënua muajin e kaluar për vrasje dhe përballet me dënimin prej 25 qershorit. Tre oficerë të tjerë po përballen me gjyqin. /Telegrafi/

Drive-by shooting appears to have been caught on live TV at George Floyd memorial in Minneapolis pic.twitter.com/DvIVENmfH8

— Jack Poso 🇺🇸 (@JackPosobiec) May 25, 2021