Zëdhënësi i policisë, Agron Borovci ka thënë për Telegrafin se nga këto të shtëna janë plagosur dy persona të cilët janë dërguar për tretman mjekësor.
"Rreth orës 17:00 kemi pranuar informatën për të shtëna me armë në rrugën "Ibrahim Lutfiu" në Prishtinë.
Me të dalë në vend ngjarje policia ka konstatuar se bëhet fjalë për plagosje me armë zjarri ku janë plagosur dy persona.
Personat e plagosur janë dërguar për tretman mjekësor ndërkohë që njësitë policore janë duke punuar në identifikimin dhe arrestimin e personave të dyshuar", ka thënë Borovci. /Telegrafi/
---------------------
Të shtëna me armë te Gjimnazi "Sami Frashëri" në Prishtinë, dyshohet për një të plagosur (Foto)
Të shtëna me armë zjarri janë dëgjuar pasditen e sotme te Gjimnazi "Sami Frashëri" në Prishtinë.
Sipas dëshmitarëve nga vendi i ngjarjes, të shtënat kanë ndodhur nga një veturë në lëvizje, ku si pasojë është plagosur një person, i cili është dërguar për trajtim në QKUK, shkruan Telegrafi.
Po ashtu sipas dëshmitarëve, personat që kanë shtënë me armë kanë ikur nga vendi i ngjarjes.
Në vend ngjarje ka dalë policia, e cila ka rrethuar me shirit vendin ku kanë ndodhur të shtënat, ndërkaq janë gjetur edhe dy gëzhoja.
Telegrafi do t'ju mbajë të informuar lidhur me këtë rast. /Telegrafi/
