Të shtëna me armë në Indianapolis, raportohet edhe për disa të vdekur – i dyshuari pastaj vret veten

Tetë persona me plagë të shkaktuara nga të shtënat me armë u shpallën të vdekur në një strukturë të Indianapolis FedEx, tha policia, shkruan CNN.

Po sipas të njëjtit medium, autoritetet thanë se ishin në dijeni të shumë viktimave të tjera të plagosura në spitale.

Ndryshe, shumë njerëz janë qëlluar me armë në një strukturë të FedEx në Indianapolis në Shtetet e Bashkuara dhe i dyshuari ka vrarë veten, ka thënë më herët policia.

Zëdhënësja e policisë i Indianapolis, Genae Cook, u tha gazetarëve herët të premten se kur policia mbërriti në vendin e ngjarjes të enjten vonë, oficerët vëzhguan një incident aktiv të të shtënave në objekt – një vend i FedEx në Mirabel Road, Indianapolis.

Objekti ndodhet afër aeroportit ndërkombëtar.

“Ne kemi shumë njerëz me lëndime nga të shtënat”, ka thënë Cook, duke shtuar se kishte të tjerë që ishin transportuar në spitale të ndryshme në të gjithë zonën.

Ajo shtoi se personi i armatosur ka vdekur.

Një dëshmitar i cili tha se ai punon në këtë objekt i tha WISH-TV se ai pa një burrë me një armë pasi dëgjoi disa të shtëna.

“Unë pashë një burrë me një automatik të një lloji, një pushkë automatike dhe ai po qëllonte gjithandej”, ka thënë Jeremiah Miller. /Telegrafi/