Të paktën 24 persona, përfshirë fëmijë në një udhëtim nxënësish, janë lënduar kur një urë e përkohshme në Espoo të Finlandës u shemb të enjten në mëngjes.
Sipas mediave të huaja, përcjell Telegrafi, disa individë ranë disa metra poshtë ndërsa ura “u lëshua” rreth orës 9:30 të mëngjesit.
Ura ishte e vendosur në Itätuulenkuja në lagjen Tapiola të Espoo.
Departamenti i Shpëtimit ka bërë të ditur se ata kishin pësuar lëndime të shkallëve të ndryshme, por askush nuk kishte pësuar lëndime të rrezikshme për jetën.
https://twitter.com/Marianna9110/status/1656603371799805952?s=20
Shumica e të pranuarve kishin pësuar fraktura të gjymtyrëve, sipas autoritetit lokal shëndetësor HUS.
Drejtoresha Kati Pennanen konfirmoi se grupi i përfshirë në aksident është nga shkolla fillore Kalasatama në Helsinki, e cila ka aktivizuar “një numër krize” për kujdestarët e nxënësve të klasës së tetë.
Duke folur për shtypin të enjten, HUS tha se të rinjtë e pranuar ishin adoleshentë të rinj, të lindur në vitin 2008. HUS po trajton gjithashtu një të rritur.
Në total, 45 persona ishin në urë kur ajo u shemb, sipas specialistit të traumës Eero Hirvensalo. /Telegrafi/
