Të katër ofertuesit synojnë ta blejnë Chelsean me para të gatshme, jo borxhe

Të katër ofertuesit synojnë të paguajnë me para në dorë për Chelsean dhe nuk kanë ndërmend të blejnë klubin me borxhe.

Oferta e Steve Pagliuca për Blutë do të përputhet me tre ofertat e tjera konkurruese në mungesë të borxhit, konfirmoi një burim i afërt me konsorciumin e bashkëpronarëve të Boston Celtics.

“Ne kemi qenë të qëndrueshëm gjatë gjithë kohës që kjo do të jetë një ofertë e besueshme dhe bindëse”, ka thënë për PA Sport një burim pranë ekipit të ofertës së Pagliuca.

Lexo po ashtu Bashkëpronari i Atalantës konfirmon se do të bëjë ofertë të majme për blerjen e Chelseat

Katër konsorciumet e përzgjedhura në listën e ngushtë kanë dorëzuar tashmë ofertat e tyre përfundimtare dje (e enjte) në Raine Group.

Banka tregtare e New Yorkut do të zgjedhë më pas një ofertues të preferuar, me shitjen e Chelseat që pritet të përfundojë në maj.

Shitja e klubit të Stamford Bridge mund të arrijë një ekskluzivitet rekord sportiv prej 3 miliardë funtesh, por gjithçka mbetet të sqarohet ditëve dhe javëve të ardhshme.

Lexo po ashtu Qeveria britanike përshpejton shitjen e Chelseat - ka tashmë një emër të preferuar

Lista e ngushtë me katër ofertuesit për blerjen e Chelseat

– Steve Pagliuca dhe Larry Tanenbaum

– Todd Boehly dhe Jonathan Goldstein

– Sir Martin Broughton dhe Lord Sebastian Coe

– Familja Ricketts

/Telegrafi/