Ata janë vëllezërit më të famshëm të futbollit evropian.
Granit dhe Taulant Xhaka janë dyshja e familjes Xhaka që gjithmonë zënë vëmendjen e mediave.
Tash, ata i ndajnë plot 2400 kilometra prej njëri-tjetrit, por janë afër me zemër.
Taulant Xhaka në videomesazh, Foto: 20min.ch
Në një video për 20min.ch, Taulant Xhaka i ka dëshiruar çdo të mirë Granitit dhe ekipit kombëtar të Zvicrës para duelit të madh ndaj Brazilit.
Reprezentuesi i Shqipërisë i ka bërë thirrje Granitit që të mbijetojnë pjesën e parë pa pranuar gol dhe të provohet fitorja në pjesën e dytë.
Granit Xhaka në grumbullim me kombëtare, Foto: Blick
"Tung Granit. Shpresoj se do të mbijetoni pjesën e parë 0-0 dhe në të dytën nuk i dihet kurrë çka mund të ndodhë", u shpreh Taulanti në mesazhin e tij për Granitin.
Taulanti para dy vitesh në këtë periudhë ishte përballur me Granitin në Kampionatin Evropian, që ishte përballja më e ëmbël e dy vëllezërve.
Zvicra e shqiptarëve do të përballet me Brazilin në ora 20:00 në Rostov.
/Telegrafi/
