Sven-Goran Eriksson thotë lamtumirë me mesazhin e fundit emocional teksa tregon se si dëshiron që njerëzit ta kujtojnë atë

Trajneri legjendar, Sven-Goran Eriksson ka ndarë një mesazh emocional lamtumire për botën ndërsa i afrohet fazave të fundit të betejës së tij me sëmundjen e rëndë.

Ish-trajneri 76-vjeçar i Anglisë njoftoi në janar se ai ishte diagnostikuar me kancer në pankreas dhe se i kishte “në rastin më të mirë” edhe një vit jetë.

Që atëherë ai ka realizuar një ëndërr të përjetshme për të menaxhuar një ekip të Liverpoolit në Anfield dhe, me familjen e tij të pranishëm, suedezi ishte dukshëm emocional teksa ‘You’ll Never Walk Alone’ luajti në para-ndeshjen miqësore.

Lexo po ashtu Sven-Goran Eriksson zbulon se ka kancer dhe ka vetëm edhe 'një vit për të jetuar'

Eriksson ka vizituar edhe stadiumet e ish-skuadrave si Gothenburg, Lazio, Sampdoria dhe Benfica, ku ka marrë një përgjigje të pabesueshme nga ata në tribuna.

Tani, fansat do të jenë në gjendje të shikojnë mbrapa jetën e Eriksson në një dokumentar prekës në Prime Video që paraqet kulmet dhe uljet e karrierës së tij të jashtëzakonshme.

Lexo po ashtu “Ulja në stolin e Liverpoolit absolutisht e mrekullueshme, qava nga emocionet” – Eriksson flet pasi drejtoi Reds në fitoren ndaj Ajaxit

“Kam pasur një jetë të mirë. Mendoj se të gjithë jemi të frikësuar nga dita kur vdesim, por jeta ka të bëjë edhe me vdekjen. Duhet të mësosh ta pranosh ashtu siç është. Shpresoj se në fund njerëzit do të thonë, po, ai ishte një njeri i mirë, por të gjithë nuk do ta thonë këtë”, ka thënë fillimisht Eriksson.

“Shpresoj se do të më mbani mend si një djalë pozitiv që përpiqet të bëjë gjithçka që mund të bënte. Mos u vjen keq, buzëqeshni. Faleminderit për gjithçka, trajnerë, lojtarë, tifozë, ka qenë fantastike. Kujdesuni për veten dhe kujdesuni për jetën tuaj. Dhe jetoni. Mirupafshim”, përfundoi lamtumirën e tij ish-trajneri i njohur. /Telegrafi/

Sven, the new documentary on the extraordinary life of Sven-Goran Eriksson on Prime Video will air on Friday August 23.

“It’s cancer I have, but don’t be sorry… smile and remember the good times”pic.twitter.com/opwrHIxdpq

— Kyama (@ElijahKyama_) August 20, 2024

😢 “Take care of yourself, and take care of your life, and live it. Bye”

🗣️ Sven-Goran Eriksson delivers final goodbye and admits how he wants people to remember himhttps://t.co/0sLgRXzo7n pic.twitter.com/7d7IT2JPIa

— Mirror Football (@MirrorFootball) August 20, 2024