Chiesa: Pirlo më ka ndihmuar shumë, luaj me shumë kampion te Juve

Sulmuesi anësori i Juventusit, Federico Chiesa, ka thënë se trajneri Andrea Pirlo i ka ndihmuar shumë gjatë sezonit të tij të parë me Bianconerët. 

“Zonja e Vjetër” nënshkroi me Chiesan nga Fiorentina në tetor të vitit të kaluar, ndërsa 23-vjeçari është paraqitur 27 herë në Serie A, duke kontribuar me tetë gola dhe nëntë asistime.

Italiani ka shënuar ose asistuar në gjashtë nga shtatë ndeshjet e fundit të Juventusit, dhe ka dhënë edhe një tjetër asistim në ndeshjen ku “Zonja e Vjetër”  e fitoi 2-1 ndaj Napolit herën e kaluar.

“Ajo që më karakterizon këtë vit, ka qenë vazhdimësia në paraqitjet e mia. Kjo është ajo që unë jam përmirësuar më shumë”.

“Të luash dhe të stërvitesh me kampionë më ka ndihmuar, ashtu si trajneri dhe mentaliteti që ekziston këtu në Juventus. Domethënë dëshira është që gjithmonë për tu përmirësuar dhe fituar”, ka thënë Chiesa.

Chiesa tha se ai duhet të falënderojë trajnerin Pirlo për ‘besimin’ dhe ‘këshillat’ gjatë vitit të tij të parë me Bianconerët.

“Pirlo më ka ndihmuar shumë muajt e fundit. Veçanërisht për besimin që ai ka treguar”.

“Unë thjesht duhet ta falënderoj atë. Çdo ditë ai jep këshilla për të përmirësuar lojën time, nga mbrojtja në fazën sulmuese, dhe kjo më ka ndihmuar shumë”, nënvizoi italiani. /Telegrafi/