Sulm me thikë në Angli, të paktën tetë të plagosur

Disa persona kanë marrë lëndime trupore mëngjesin e sotëm, në mesin e tyre dhe fëmijë pasi siç raportohet janë therur nga një mjet i mprehtë (thikë), në Southport të Anglisë.

Në lidhje me këtë rast, siç kanë njoftuar nga policia është arrestuar një person.

“Mund të konfirmojmë se shërbimet e urgjencës janë në Southport pas një incidenti të madh këtë mëngjes”, deklaroi policia.

Bëhet e ditur se të plagosur janë të paktën tetë persona.

Shërbimi i Ambulancës North West ka deklaruar se disa nga viktimat janë dërguar në spitalin e fëmijëve Alder Hey.

Ndërkohë, viktimat e tjera janë dërguar në Spitalin Universitar Aintree dhe në spitalin Southport dhe Formby, shkruan skynews.

Shërbimi i ambulancës ka dërguar 13 autoambulanca së bashku me burime të specializuara në vendngjarje.

(1/3) North West Ambulance Service (NWAS) is responding to a major incident following a call at 11:48am to Hart Street in Southport following reports of multiple stabbings. pic.twitter.com/Fc385oqrhx

— North West Ambulance Service (@NWAmbulance) July 29, 2024

E gjithë rruga tani është e mbyllur për publikun dhe ka të paktën një helikopter policie që qarkullon në zonë.

Ndryshe, të tronditur dhe shqetësuar për incidentin janë shprehur edhe autoritetet.

LATEST | Emergency services are in #Southport after a major incident this morning (Mon).
One man has been arrested and a knife seized. There are casualties.

There is no wider threat to the public.

Follow us for updates and please avoid speculation.
https://t.co/APJZ9ggZcV pic.twitter.com/ITHmsDTIwm

— Merseyside Police (@MerseyPolice) July 29, 2024

Por, policia ka deklaruar se nuk ka më kërcënim për publikun dhe do të japin përditësime të mëtejshme, duke këshilluar njerëzit të shmangin spekulimet.

I tmerruar është shprehur edhe personi që e kishte njoftuar policinë për incidentin të cilin e përshkroi si një “skenë në një film horror”.

“Ishte si një skenë nga një film horror. Por, policia e kapi atë”, tha Colin Parry. /Telegrafi/