Botë Nga Bota Amerika

Stuhia “Hilary” godet bregdetin e Meksikës, priten përmbytje edhe në SHBA

Para 1 viti

Stuhia tropikale “Hilary” u zhvendos drejt bregdetit meksikan Baja dhe goditi aty të dielën.

Stuhia nuk kishte më forcën e një uragani, por meteorologët vazhdojnë ta konsiderojnë me rrezik për jetën dhe pritet të shkaktojë përmbytje në mbarë rajonin perëndimor të Shteteve të Bashkuara.

Ndërsa stuhia “Hilary” ndodhej rreth 350 kilometra në jugperëndim të San Diegos, Qendra Kombëtare e Uraganëve njoftoi se kishte arritur një shpejtësi maksimale erërash prej 110 kilometrash në orë pranë bregdetit në Oqeanin Paqësor.

🌀 As outer bands from Tropical Storm #Hilary begin to lash the US/Mexico border, flash flooding has begun.

Check out this drone video from Storm Chaser @jordanhallwx from Ocotillo, CA. #cawx pic.twitter.com/Wk8FtnPWnH

— MyRadar Weather (@MyRadarWX) August 20, 2023

Qytetet meksikane Ensenada dhe Tijuan patën mbyllur paraprakisht të gjitha plazhet dhe kishin çelur disa vendstrehime në komplekset sportive dhe zyrat qeveritare.

Drejtori i Qendrës së Uraganëve, Michael Brennan, tha se megjithëse “Hilary” ishte dobësuar, nga një uragan i kategorisë 4, njerëzit duhet t’i druheshin më shumë dëmit nga ujërat.

“Përmbytja nga reshjet ka shkaktuar viktimat më të shumta gjatë stuhive tropikale dhe uraganeve në Shtetet e Bashkuara gjatë 10 viteve të fundit dhe nuk doni të shndërroheni në një statistikë”, tha zoti Brennan gjatë seance informimi nga Majami.

Meteorologët mendojnë se “Hilary” do të hyjë në histori si stuhia e parë tropikale që godet Kaliforninë Jugore pas gati 84 vitesh, duke sjellë përmbytje, rrëshkitje toke, tornado, erëra të forta dhe ndërprerje energjie.

#WATCH : Hurricane Hilary active waves of 6 to 12 feet in height are currently recorded in Baja Southern California. #HurricaneHilary #HurricaneHillary #Hurricane #HILARY #Califonia #BREAKING_NEWS #latest pic.twitter.com/jphcliEkA8

— upuknews (@upuknews1) August 20, 2023

Paralajmërime për përmbytje dhe stuhi tropikale u dhanë përgjatë gjithë Kalifornisë Jugore, që nga bregdeti i Paqësorit dhe deri në zonat e brendshme malore dhe të shkretëtirës, madje deri në veri në Oregon dhe Ajdaho.

“Hilary” pritej të vazhdonte me forcën e stuhisë tropikale deri në Nevadën Qendrore në orët e para të së hënës, kur pritet edhe të fillojë të qetësohet.

Vetë Kalifornia është tashmë nën gjendje emergjence dhe janë përgatitur furnizime me ushqime, ujë të pijshëm dhe ndihma të tjera.

Urdhëra evakuimi janë dhënë për banorët dhe plazhistët në Ishullin Santa Catalina, si dhe për disa komunitete malore në Qarkun San Bernardino.

Autoritetet në qytetin Los Anxhelos u përpoqën të tërheqin të pastrehët brenda vendstrehimeve, si dhe u mbyllën të gjitha plazhet në San Diego dhe Qarkun Orange.

“I bëj thirrje të gjithëve që gjenden në trajektoren e kësaj stuhie, të marrin masa dhe të dëgjojnë udhëzimet e zyrtarëve shtetërorë dhe lokalë”, tha presidenti Joe Biden.

Ndërkohë një tjetër stuhi në Oqeanin Atlantik mori të dielën emërtimin stuhia tropikale “Emily”, ndërsa vazhdon të jetë larg tokës dhe lëviz në oqean drejt perëndimit. /VOA/