LAJMI I FUNDIT:

Spotify arrin në 50 milionë përdorues global

Spotify arrin në 50 milionë përdorues global

Njëri prej shërbimeve më të famshme të muzikës tashmë e ka arritur edhe një rekord të ri. Sot në mëngjes, Spotify ka njoftuar se shërbimi i famshëm tashmë ka arritur në 10 milionë abonues aktivë dhe 40 milionë përdorues të tjerë në 56 tregje të ndryshme, ku shërbimi është në dispozicion.

Marsin e kaluar, kompania ka raportuar arritjen e 6 milionë abonuesve, që i bie se brenda kësaj periudhe, Spotify është rritur me një shkallë prej 66 për qind të përdoruesve me pagesë.

Lajmi për blerjen e Beats nga Apple ka dominuar titujt e mediave ditëve të fundit, por Spotify ka qenë në heshtje duke u munduar të arrijë në nivele të reja.

Gjatë muajit të fundit, Spotify përmirësoi ndërfaqen e shërbimit të saj, duke e bërë thjeshtimin e menaxhimin e muzikës, dhe duke i bërë aplikacionet e saj për desktop dhe mobil shumë më të lehta dhe më të përdorshme. /Telegrafi/