Sot (e martë) do të bëhet hapja zyrtare e “AC Milan Junior Camp” në Kampin Nacional në Hajvali me fillim nga ora 18:00.
Kampi do të ofrojë trajnime të nivelit më të lartë për vajzat dhe djemtë e të gjitha komuniteteve, nën përkujdesjen e pesë trajnerëve profesionistë të AC Milan, të cilët vijnë në Kosovë për të ndarë përvojën dhe metodologjinë e tyre me gjeneratën e ardhshme të futbollistëve.
Bashkë me ta do të jenë edhe 12 trajnerë nga Kosova që do t’i mbikëqyrin 200 fëmijë.
Ky bashkëpunim është një hap i madh për futbollin kosovar dhe një mundësi e artë për të rinjtë e kryeqytetit që të mësojnë nga më të mirët dhe të zhvillojnë potencialin e tyre sportiv.
Pse të merrni pjesë?
Mësim nga trajnerë profesionistë të AC Milan
Përmirësim i aftësive teknike dhe taktike
Mundësi për të zhvilluar talentin dhe pasionin për futbollin
Pjesëmarrje në një kamp ndërkombëtar me standarde të larta
Ky kamp është një mundësi e shkëlqyer për të rinjtë kosovarë që të përjetojnë një eksperiencë të paharrueshme në një mjedis profesional dhe mbështetës./Telegrafi/
