Soni Malaj sjell së shpejti versionin anglisht të këngës “Përgjithmonë” (Video)

Këngëtarja Soni Malaj erdhi më e veçantë se asnjëherë për këtë Shën Valentin.

Më datën 14 shkurt ajo solli projektin e saj më të ri të titulluar “Përgjithmonë”, një baladë dashurie e punuar bukur nga kompozitorja australiane Susie Ahern, dhe me vargje të Taulant Skënderajt.

Lexo po ashtu Premierë: Soni Malaj sjell baladën e re "Përgjithmonë" (Video)

Kjo baladë fitoi zemrat e gjithë publikut që në momentin e parë që u publikua, gjersa për të gjithë fansat që e deshën pafund këtë këngë, Soni ka edhe një tjetër lajm të mirë.

Ajo së shpejti do të sjell edhe versionin anglisht të kësaj kënge, dhe këtë gjë e ka bërë të ditur përmes një videoje të publikuar në rrjetin social Instagram, ku shfaqet duke regjistruar versionin final të këngës “Përgjithmonë” në anglisht.

https://www.instagram.com/p/BQ0rY_cD4yL

Ndërkohë “Përgjithmonë” ose “Forever” (siç mendohet të ketë titullin kënga në anglisht) do të plasohet në YouTube edhe me videoklip, i cili në koncept do të jetë i njëjti, dhe do të punohet nga i njëjti bashkëpunëtor, regjisori AleXander. /Telegrafi/