Sondazhi nga Pyper: 43% e qytetarëve mendojnë se shkarkimet e fundit nga Hoti janë “kapje e shtetit”, 10% mendojnë “çkapje e shtetit”

Telegrafi në bashkëpunim me Pyper, platformën e avancuar për hulumtime, dhe emisionin “Debat Plus” të RTV Dukagjinit, ka organizuar anketimin e radhës përmes së cilit janë pyetur qytetarët për shkarkimet e fundit të ndërmarra nga qeveria në disa institucione të rëndësishme publike si polici, dogana dhe ATK.

Në pyetjen kryesore “Si i konsideroni shkarkimet e fundit të kryeministrit Hoti të Drejtorit të Policisë, doganës dhe ATK-së?, shumica e të anketuarve (46.57%) nuk kanë pasur opinion.

“Kapje të shtetit” e kanë konsideruar 43.14 % e të anketuarve këtë veprim të Hotit, ndërsa 10.29% mendojnë se veprimi i Hotit është “Çkapje të shtetit”.

Lexo po ashtu Sondazhi nga Pyper: 87% e qytetarëve janë kundër themelimit të Asociacionit

Mbi gjysma e të anketuarve mendojnë se shkarkimi i Drejtorit të Përgjithshëm të Policisë lidhet me arsye politike (52.71%), ndërsa vetëm 9% e të anketuarve mendojnë se Qalaj u shkarkua për shkak të performancës.

Pas këtyre shkarkimeve 49.43% e qytetarëve kanë perceptim negativ për Hotin, 39% kanë qëndrim neutral ndërsa 11.57% kanë perceptim pozitiv pas këtyre veprimeve të Kryeministrit.

Më poshtë i keni të gjitha rezultatet e detajuara të anketimit të Pyper.

Bëhuni pjesë e sondazheve tjera – Shkarkoni aplikacionin Pyper (iOS)

Bëhuni pjesë e sondazheve tjera – Shkarkoni aplikacionin Pyper (Android)