Stil, elegancë dhe karizëm - aktorja dëshmoi se është sërish ylli i padiskutueshëm i tapetit të kuq
Sofía Vergara, vetëm pak javë pasi u përball me një alergji të fortë në sy që e detyroi të anulojë angazhimet dhe madje edhe pjesëmarrjen në “Emmy Awards”, është rikthyer më e shkëlqyeshme se kurrë. Bukuroshja 53-vjeçare dëshmoi se stili dhe energjia e saj mbeten të pandalshme.
Aktualisht në Javën e Modës në Paris, ajo ka mahnitur publikun me paraqitje të njëpasnjëshme.
Fotografitë e siguruara nga The U.S. Sun tregojnë Vergarën në një veshje që mori gjithë vëmendjen: një fustan prej lëkure ngjyrë bordo, i ngushtë trupit dhe me dekolte të theksuar që pothuajse zbulonte më shumë sesa mbulonte.
Veshja u plotësua me sandale me platformë dhe taka të larta në ngjyrë nude, një çantë elegante Yves Saint Laurent dhe një mantel prej lëkure ngjyrë kafe, të gjatë deri te kyçet, të hedhur mbi supe. Flokët e saj të gjatë u lëshuan drejt mbi supe, ndërsa grimi i plotë i fytyrës i dha një ndriçim shtesë dukjes së saj, transmeton Telegrafi.
Në Paris, Sofia nuk kurseu paraqitjet as në pistën e modës e as në jetën e natës, duke dëshmuar se është po aq e hijshme dhe karizmatike sa edhe në ekran.
Si gjithmonë, dekolteja e saj ishte në qendër të vëmendjes, por ajo që e bën të pandalshme është kombinimi i bukurisë me humorin dhe thjeshtësinë, që shpesh e kthejnë në një yll viral në rrjetet sociale.
/Telegrafi/
