LAJMI I FUNDIT:

Sky News shkruan për zhvillimet e fundit në Kosovë dhe “synimet e Putinit” – dhe për deklaratën e deputetit të Vuçiqit se “Serbisë do t’i duhet të fillojë ‘denazifikimin e Ballkanit’”

Sky News shkruan për zhvillimet e fundit në Kosovë dhe “synimet e Putinit” – dhe për deklaratën e deputetit të Vuçiqit se “Serbisë do t’i duhet të fillojë ‘denazifikimin e Ballkanit’”

Disa zhvillime shqetësuese janë shfaqur në Ballkan gjatë fundjavës, me qeverinë e Kosovës që akuzoi Serbinë fqinje se po përpiqet të destabilizojë vendin pasi serbët etnikë bllokuan rrugët dhe kryen incidente të tjera në veri, gjoja në një mosmarrëveshje për targat e automjeteve dhe kartat e identitetit.

Kështu shkruan mediumi prestigjioz Sky News, i cili kujton se zyrtarët në Kosovë kishin vendosur që të rifillojnë praktikën e detyrimit që automjetet që hyjnë nga Serbia të zëvendësojnë targat e Serbisë me targa të Kosovës.

Kosova gjithashtu po planifikon të bllokojë serbët që të mos përdorin vetëm kartat e identitetit të Serbisë kur kalojnë kufirin me Kosovën.

Dhe një deklaratë e qeverisë së Kosovës tha se shumë “akte agresive” ndodhën të dielën, duke përfshirë bllokimin e rrugëve dhe të shtënat në zonat veriore të dominuara nga serbët etnikë – dhe sugjeroi se ato ishin nxitur nga Serbia, shkruan më tej Sky News, përcjell Telegrafi.

Ish-ushtaraku italian: Vuçiq mbrëmë ka marrë një mesazh të qartë nga NATO përmes një oficeri të Shtabit të Përgjithshëm të Serbisë
Lexo po ashtu Ish-ushtaraku italian: Vuçiq mbrëmë ka marrë një mesazh të qartë nga NATO përmes një oficeri të Shtabit të Përgjithshëm të Serbisë

Mediumi në fjalë vë në pah faktin se Serbia refuzon të njohë shpalljen e pavarësisë së Kosovës në vitin 2008 – një refuzim i përbashkët nga Rusia e Vladimir Putinit, i cili ka shprehur vazhdimisht mbështetjen për Serbinë.

Ndërsa duke u kthyer te zhvillimet e fundit, Sky News, thekson se kryeministri i Kosovës, Albin Kurti, si dhe presidentja Vjosa Osmani fajësuan presidentin serb Aleksandar Vuçiq për protestat.

Osmani ka shkruar edhe në Facebook se “përpjekjet e Vuçiqit për të destabilizuar Kosovën” do të dështojnë.

Por çfarë bie në sy në shkrimin e Sky News, është vënia në pah e një deklarate të Vladimir Gjukanoviqit, një deputeti nga partia në pushtet e presidentit Vuçiq, i cili ka thënë se “Serbisë do t’i duhet të fillojë ‘denazifikimin e Ballkanit’” – duke përdorur pothuajse gjuhën identike me atë të përdorur në mënyrë rutinore nga Kremlini si një justifikim për agresionin në Ukrainë, përcjell Telegrafi.

Ndërkohë, në komentet që i bëjnë jehonë pikëpamjeve të një numri në rritje të komentuesve gjeopolitikë, zonja Osmani tha vetëm ditë më parë se ajo besonte se Putini mund të kërkonte të përdorte Kosovën si një mjet për të zgjeruar konfliktin e tij duke destabilizuar kontinentin.

“Qëllimi i Putinit është të zgjerojë konfliktin në pjesë të tjera të botës”, citohet të ketë thënë ajo.

Nga Turqia deri në Letoni – disa nga reagimet jashtë Kosovës, pas zhvillimeve të fundit në veri
Lexo po ashtu Nga Turqia deri në Letoni – disa nga reagimet jashtë Kosovës, pas zhvillimeve të fundit në veri

“Meqenëse qëllimi i tij ka qenë vazhdimisht të destabilizojë Evropën, ne mund të presim që një nga objektivat e tij mund të jetë Ballkani Perëndimor”.

Kjo vjen në mes të paqëndrueshmërisë në rritje në një tjetër nga vendet fqinje të Serbisë, Bosnjë, shkruan më tej Sky News.

Atje, udhëheqësi radikal i fraksioneve pro-serbe, Milorad Dodik, shkaktoi një krizë politike duke tërhequr partinë e tij nga institucionet kombëtare.

Ekspertët kanë thënë se Putin ka punuar gjithashtu me Serbinë atje për të përkeqësuar ndarjet etnike midis kroatëve, boshnjakëve dhe serbëve. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori