Skuadrat që nuk e dinë se çfarë është humbja në shtëpi

Shumë skuadra të futbollit evropian këtë sezon nuk e kanë njohur ende humbjen në shtëpi, kur ka kaluar gjysma e sezonit

Në “Juventus Stadium”, “Olimpico”, “Allianz Arena” dhe në “White Hart Lane”, tifozët vendas kanë festuar gjithmonë ndaj atyre vizitorë.

Nëse analizohen 5 ligat kryesore të futbollit kontinental zbulohet se janë plot 15 ekipe që ende nuk e kanë humbur një ndeshje duke luajtur brenda mureve mike.

Juventus, Roma dhe Fiorentina në Itali kanë arritur të mbajnë bilancin pozitiv.

Në Ligën Premier, Liverpool dhe Tottenham janë të detyruar të ndjekin Chelsea në renditje.

Por, nëse “Blutë” e Londrës janë rrëzuar në “Stamford Bridge”, nuk ka ndodhur e njëjta gjë me ekipet e tjera në shtëpi. “Anfield Road” dhe “Ëhite Hart Lane” nuk i kanë parë ende lojtarët e tyre në dëshpërim për humbjen.

Në Bundesligën gjermane, të dhënat janë akoma më impresionuese. Plot 6 ekipe nuk kanë humbur në shtëpi këtë sezon, mbi të gjithë sigurisht Bayern Munchen, që ka lejuar vetëm 4 herë prekjen e rrjetës.

Askush nuk e priste që ekipe si Leipzig, Koln, apo Hoffenheim të ishin gjithashtu të pathyeshëm kur ka kaluar gjysma e Bundesligës.

Në kampionatin francez, Paris San Germein, Marseille dhe Nice janë ekipet që gëzuan më shumë tifozët brenda. Surpriza është e dukshme me ekipin e rivierës franceze, që në shtëpi ka barazuar vetëm dy herë, duke triumfuar në rastet e tjera.

Për ta mbyllur panoramën, në Spanjë, “Bernabeu” i Realit është i pathyeshëm, në kontrast me stadiumin e Barcelonës, që është thyer këtë sezon.