Skuadra U-16 e Barcelonës shënoi gol të dyshimtë ndaj Crystal Palaces – disa e quajnë si mashtrim

Skuadra U-16 e Barcelonës është kritikuar pasi shënoi një gol të diskutueshëm në gjysmëfinalen e një gare për të rinjtë kundër Crystal Palaces.

Të rinjtë katalanas kryesonin 2-0 në minutën e 24-të, derisa përfituan nga një faull për të kapur kundërshtarët e tyre në befasi.

Ndërsa një lojtar i Barçës mori trajtim për shkak të një lëndimi të dukshëm, lojtarët e Crystal Palaces u larguan për një pushim me ujë dhe një bisedë nga trajneri i tyre.

Lexo po ashtu Në derbin me Atletico Madridin - Lewandowski shkaktoi një ndër huqjet më të mëdha të sezonit

Megjithatë, lojtari i lënduar u ngrit shpejt në këmbë dhe vrapoi drejt portës kundërshtare përpara se të rifillonte loja.

Portieri i Barcelonës pa një mundësi të shkëlqyer pasi nuk pa asnjë lojtar të Palace në fushë dhe kaloi te numri 11, djali i Patrick Kluivert, Shane, raporton AS.

Lojtarët e Palaces më pas e kuptuan se çfarë po ndodhte dhe u përpoqën të ktheheshin me sprint në fushë, por rezultoi se ishin me vonesë – pasi Kluivert futi topin në një rrjetë bosh.

Barcelona vazhdoi të shënojë një tjetër gol në një fitore 4-0 dhe fitoi turneun sipas raportimeve në Spanjë. /Telegrafi/

Dirtiest move I've ever seen & it doesn't surprise me which club did it ☠️ https://t.co/fIzwPBY6xM

— ☕︎︎ (@lj7aza) April 22, 2023