Ferizaj ka konfirmuar se do të shmang komunikimin me mediat duke u futur në karantinë për t’u përgatitur për ndeshjen e barazhit kundër Lirisë që zhvillohet të dielën në stadiumin “Zahir Pajaziti” në Podujevë.
Të dielën zhvillohet ndeshja e barazhit për Albi Mall Superligën e Kosovës, ku do të ndeshen Ferizaj dhe Liria.
“Ujqit” mbeten në pozitën e barazhit pas fitores së fundit ndaj Dukagjinit, e cila ngjalli reagime të shumta për mënyrën se si shkoi rrjedha e asaj ndeshje të cilën Ferizaj e fitoi me rezultat 2-1.
Për këtë takim tashmë po zhvillohen hetime nga prokuroria në Prishtinë, gjë të cilën e ka konfirmuar edhe Ministria e Kulturës, Rinisë dhe Sportit.
Kjo situatë ka bërë që klubi ferizajas të pres ndeshjen e barazhit në karantinë, pasi dëshiron të përqendrohet qind për qind për ndeshjen ndaj Lirisë.
