Situata bëhet akoma më qesharake, Gjestit i hyn Vserlo në vaskë, dyshja lahen bashkë

Një moment tejet argëtues dhe i papritur ndodhi brenda shtëpisë së Big Brother VIP Albania, kur Gjesti vendosi të futej në vaskë me një veshje krejt të pazakontë.

Ai gjeti bikinit e Loredanës dhe, për habinë e të gjithëve, vendosi t’i provonte. Skena shkaktoi të qeshura të mëdha te banorët, veçanërisht te vajzat Eglo, Valbona, Livia dhe Rozana, të cilat po ndiqnin gjithë skenën mes të qeshurave.

Ndërkohë, ndërsa Gjesti po shijonte momentin e tij në vaskë, aty u afrua Vserlo, i cili me një ton kurioz e pyeti: “Çfarë je duke bërë?”.

Gjesti, me qetësinë e tij karakteristike, iu përgjigj me shaka: “Duke u larë”.

Por, Vserlo e vuri re diçka interesante dhe shtoi: “Po vetëm se këtë e përgatiti dikush tjetër”, duke lënë të kuptohej se vaskën e kishte bërë gati për veten e tij.

Situata u bë edhe më komike kur Vserlo vendosi t’i bashkohej Gjesti në vaskë.

Fillimisht, Gjesti kundërshtoi dhe tha me të qeshur: “Mos bëj gjeste”, por Vserlo nuk u ndal dhe u fut gjithsesi.

Ky moment bëri që vajzat të shpërthenin në të qeshura, duke e kthyer këtë episod në një nga më zbavitësit e mbrëmjes.

Bashkëbisedimi i çuditshëm mes dy djemve dhe fakti që Gjesti u la në vaskë me bikinit e Loredanës e bënë këtë një nga skenat më të përfolura të shtëpisë.

Edhe publiku në rrjetet sociale nuk vonoi të reagojë, duke ndarë video dhe komente plot humor mbi këtë ngjarje të pazakontë. /Telegrafi/

View this post on Instagram

A post shared by Big Brother Alb VIP Edition (@bigbrotheralb_vip)