Simptomat më pak të njohura që tregojnë se keni probleme me zorrët

Mënyra se si funksionojnë zorrët mund të tregojë shumë për shëndetin tuaj. Simptomat më të zakonshme që tregojnë se keni probleme me zorrët janë fryrja, të përzierat, kapsllëku dhe ndryshime të papritura në peshë.

Megjithatë, ka disa simptoma të tjera më pak të njohura që mund të tregojnë një funksion të parregullt të zorrëve. Për më tepër, shëndeti i dobët i zorrëve mund të lidhet me kushte më serioze shëndetësore, si kanceri, prandaj kushtojini vëmendje këtyre tri simptomave:

Gazrat

Gazi nuk është domosdoshmërisht një gjë e keqe, por nëse keni shpesh gaz, duhet ta kontrolloni shëndetin tuaj. Kjo është veçanërisht e vërtetë nëse ndiheni të fryrë pas disa ushqimeve, pasi kjo tregon se zorrët nuk po e shpërbëjnë ushqimin siç duhet.

Shkaku është intoleranca ndaj disa ushqimeve dhe ndodh kur njerëzve u mungon një sasi e mjaftueshme e një enzime të quajtur laktazë, e cila ndihmon në tretjen e laktozës. Përveç kësaj, kushtojini vëmendje formës së jashtëqitjes.

Lexo po ashtu Të ruajmë ekuilibrin e zorrëve

Problemet e lëkurës

Ndër simptomat që tregojnë se keni probleme me tretjen, janë ndryshimet në lëkurë. Sheqeri i rafinuar dhe yndyrat e ngopura në sasi më të mëdha shkaktojnë një çekuilibër të baktereve të zorrëve që mund të shkaktojnë puçrra në fytyrë, rozace, ekzemë, psoriazë dhe zbokth.

Lexo po ashtu Ngatërrimi, bllokimi ose lidhja e zorrëve, shkaktohet edhe nga ilaçet

Luhatje disponimi

Shëndeti ynë mendor është i lidhur ngushtë me shëndetin tonë fizik. Kështu, çdo problem me tretjen mund të shkaktojë stres, depresion dhe gjendje të ngjashme mendore.

Një çekuilibër midis mikroorganizmave, ose një rritje e të ashtuquajturave baktere të këqija në zorrë, shkakton çrregullimin. Kjo ndodh sepse zorrët janë përgjegjëse për rreth 90 për qind të prodhimit të serotoninës, të ashtuquajturit hormoni i lumturisë. /Telegrafi/