“Siguria në rrugë është përgjegjësi e përbashkët“ – Policia në Gjilan brenda një jave shqipton mbi 1 mijë gjoba

Policia e Gjilanit në vazhdën e implementimit të planeve operative për siguri në trafik brenda një jave ka shqiptuar 1935 gjoba.

Gjatë kësaj periudhe në kuadër të këtyre planeve janë ndërmarr aktivitete edhe në hetim të 11 aksidenteve të trafikut me dëme materiale, hetim të 13 aksidenteve të trafikut me të lënduar, si dhe janë shqiptuar masa të ndalim drejtimit të mjeteve motorike për 23 ngasës.

Me qëllim parandalimin e aksidenteve në trafik, policia në Gjilan u bën apel qytetarëve që të respektojnë dispozitat ligjore në trafik.

“Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik, uleni shpejtësinë, mos përdorini telefonin, vendosni rripin e sigurimit, keni kujdes ndaj këmbësorëve, këmbësorë përdorni vijat e bardha për kalimin e rrugës, mos e neglizhoni sinjalistikën rrugore dhe semaforët”, thuhet në njoftim të policisë.

Sipas policisë, siguria në rrugë është përgjegjësi e përbashkët, duke u bërë thirrje ngasësve që të ndihmojnë në uljen e aksidenteve dhe ruajtjen e jetës. /Telegrafi/