Si të përdorim produktet e grimit për një dekolte më joshëse

Jo vetëm mollëzat dhe sytë, grimi bën edhe gjoksin të duket më i madh.

Fuqitë e grimit janë të pabesueshme, sidomos konturimi. Falë personazheve si Kim Kardashian, konturimi është bërë një truk i përhapur grimi që shumë vajza e përdorin për të realizuar mollëza perfekte, por a do e kishit menduar që mund ta përdorësh jo vetëm në fytyrë?

Po, ky truk i vjetër mund të përdoret për ta bërë gjoksin të duket më i madh. Nëse nuk po e imagjinoni dot si funksionon, pas pak do jetë gjithçka e qartë. Është thjesht një iluzion pamor.

Konturimin mund ta shfrytëzojmë te sytë duke përdorur hijen dhe dritën për të ndikuar perceptimin e thellësisë, sepse ai i bën përmasat të duken më të mëdha ose më të vogla. Duke e bërë një pjesë të duket më e errët me grim, duke përdorur një bronzer, krijojmë një efekt hijeje që e bën zonën e hijezuar të duket më larg ndërsa duke përdorur grimin për të ndriçuar një pjesë, ka efektin e kundërt dhe e bën pjesën e theksuar më të dukshme duke e sjellë më afër.

Kështu që edhe kur vjen radha e gjoksit, duhet vetëm të përdorësh me strategji hijet për të krijuar një efekt hijezues që rrit gjoksin. Shumë e thjeshtë! Me këtë truk, mund të keni dekoltenë e ëndërruar pa qenë nevoja të vishni sytjena me supermbushje.

Ja si realizohet ky lloj grimi. Ju duhet pak pudër dhe leksioni që sapo po e merrni.

Keni nevojë për një furçë me fund të pjerrët, një furçë pudre, një pudër normale, një pudër ose krem bronzer dy nuanca më të errët sesa toni natyral i lëkurës dhe një pudër zbardhuese dy tone më e hapur sesa lëkura. Për ta pasur më të thjeshtë, mund të blini një paletë për konture që i ka të gjitha nuancat që ju duhen.

Filloni duke e lyer me furçë pjesën më mes të gjoksit me bronzerin për të krijuar thellësi.

Lyej furçën e pjerrët me bronzer dhe vizato një formë “Y”-je përgjatë rrumbullakësisë natyrale të gjoksit duke e theksuar në qendër. Duhet të duket kështu:

Tani, përdor furçën me kënd për të aplikuar theksuesin në pjesën e sipërme të gjoksit, brenda formës “Y” (si në foton poshtë) dhe lëvize furçën drejt mesit. Kjo krijon iluzionin e volumit dhe e bën dekoltenë më të dukshme.

Të gjitha duam që dekolteja të duket sa më natyrale, kështu që merr furçën dhe përhape, përhape, përhape bronzerin!

Përdor pak pudër kompakte për ta fiksuar punën e deritanishme dhe… gati! Gjoksi do duket mrekulli brenda pesë minutash, shkruan revista class. Tani dil dhe trego me krenari rezultatin, por mund të mos ia thuash kujtdo sekretin.

/Telegrafi/