Mënyra se si i lani flokët tregon se a mund të keni flokë me shkëlqim, ja çfarë mund të bëni

Pa marrë parasysh tipit dhe modelit të flokëve që keni, gjithmonë ekziston mundësia që të dëshironi flokë të bukur dhe me shkëlqim.

Megjithatë, mund të jetë e vështirë të gjeni një rutinë që funksionon për ju, dhe ndonjëherë gjërat që bëni për të t’i bërë me shkëlqim rezultojnë pa dobi, duke i bërë të duken pa shkëlqim dhe të thata, shkruan Express.co.uk.

Por, ka zgjidhje për këtë.

Një eksperte e shëndetit të flokëve ka treguar pse lloji i ujit që përdorni për larjen e flokëve mund të bëjë ndryshimin.

@alexiszander_ The science behind washing your hair with cold water💦💧 #healthyhair #hairscience #hairgrowth ♬ original sound – Allie | Hair Health Expert

Ajo ka publikuar një video në TikTok ku shpjegon “shkencën” pas larjes së flokëve me ujë të ftohtë”.

“A keni dëgjuar ndonjëherë të lani flokët me ujë të ftohtë?”, pyeti ajo ndjekësit.

Ekspertja shpjegoi pse uji i ftohtë është më i miri për t’u përdorur është “bazë”, duke u thënë njerëzve të mos shqetësohen – dhe nëse ndiqni këshillat e saj, flokët tuaj do të duken luksoz.

“Kur nxehtësia bie në kontakt me flokët tuaj, në fakt hap kutikulën tuaj”, tha ajo.

“Kjo është arsyeja pse ndonjëherë kur bëjmë trajtime flokësh, përdorim nxehtësi. Ajo hap kutikulën, kështu që kur jemi duke bërë një trajtim kimik, do të depërtojë më tej dhe do të futet brenda asaj fije floku”.

Ekspertja shpjegoi se uji i ftohtë është më i miri për të larë flokët, pasi bën “të kundërtën” me ujin e nxehtë, që do të thotë se mbyll kutikulën.

“Pra, nëse e përfundoni dushin tuaj me ujë të ftohtë, kjo do të bëjë që kutikula të mbyllet dhe kur gjithçka është e sheshtë, drita mund të reflektojë nga flokët tuaj”, tregoi ajo.

Sipas saj, kjo është mënyra se si mund të keni flokë të bukur dhe me shkëlqim. /Telegrafi/