LAJMI I FUNDIT:

Si ta ndryshoni në iPhone dhe Android, ikonën e rrjetit social Instagram ?

Si ta ndryshoni në iPhone dhe Android, ikonën e rrjetit social Instagram ?

Instagram po feston ditëlindjen e 10-të duke ju lejuar të ndryshoni ikonën e aplikacionit gjatë gjithë muajit tetor 2020.

Ka një duzinë opsionesh për të zgjedhur, përfshirë ikonën klasike të saj.

Ja se si të ndryshoni ikonën e aplikacionit Instagram në iPhone ose telefonin tuaj Android, transmeton Telegrafi.

Së pari, shkoni në App Store dhe kontrolloni për azhurnimet e aplikacioneve. Pastaj, hapni aplikacionin Instagram në iPhone ose telefonin tuaj Android dhe më pas prekni ikonën Profile në këndin e poshtëm djathtas.

Pastaj në Settings, rrëshqitni poshtë nga maja e ekranit. Vazhdoni të rrëshqitni poshtë derisa të arrini në fund të ekranit. Do të shihni një linjë me emoji.

Tani jeni në ekranin e ikonave të fshehur të aplikacionit. Këtu janë të gjitha opsionet e disponueshme të ikonës së aplikacionit Instagram.

Zgjidhni ikonën e aplikacionit në të cilën dëshironi. Mund të zgjidhni kamerën klasike Polaroid, logon origjinale të Instagram-it ose ndonjë prej ikonave të tjera të personalizuara.

Ikona do të ndryshohet dhe do të shihni një mesazh pop-up që konfirmon ndryshimin. Klikoni mbi butonin “OK” për të hequr këtë pop-up.

Tani, kur të ktheheni në ekranin bazë të iPhone ose Android, do të shihni ikonën e azhurnuar të aplikacionit.

Mund të ktheheni dhe të ndryshoni ikonën e aplikacionit në çdo kohë, ndërsa tipari është ende i disponueshëm në aplikacionin Instagram.

Shikoni videon e Sam Sheffer për të mësuar më shumë rreth ikonës së fshehur të Instagramit. /Telegrafi/