Si duhet të kujdesen meshkujt për fytyrën?

Nëse mendoni se kujdesi i lëkurës është i rëndësishëm vetëm për femrat, atëherë e keni gabim.

Në fakt, nuk është aspak femërore që çdo mashkull të kujdeset për mjekrën dhe lëkurën e vet, transmeton Telegrafi.

Ja disa këshilla se si duhet meshkujt të kujdesen për fytyrën.

Përdorni krem të mirë apo shampon të fytyrës

Meshkujt zakonisht përdorin sapunë të ndryshëm për pastrimin e lëkurës., dhe nuk brengosen fare se a i bën dëm lëkurës së tyre apo jo.

Nuk e kuptojnë që pastrimi me sapunë mund t’jua thajë lëkurën, dhe prandaj është e rëndësishme që çdo mashkull ta pastroj fytyrën me krem të mirë dhe shampon adekuat.

Mos blini makina të lira të rrojës

Gjithmonë zgjidhni një makinë e cila i përshtatet ndjeshmërisë së lëkurës dhe mjekrës.

Makinat e lira mund t’ju lënë me qime të pabarabarta apo edhe t’jua dëmtojnë lëkurën.

Rekomandohet të rruheni pas dushit, pasi që qimet e fytyrës janë shumë më të buta.

Përdorni krem kundër diellit para se të dilni nga shtëpia

Asnjëherë mos dilni nga shtëpia pa aplikuar krem kundër diellit.

Kremi kundër diellit i minimizon rreziqet e dëmtimeve nga dielli, gjë e cila mund të rezulton në skuqje, rritim apo kancer në lëkurë. /Telegrafi/