LAJMI I FUNDIT:

Shukova për ndërtimet në Liqenin e Ohrit: Ndërtesat që rrezikojnë liqenin s’duhet të ndërtohen

Shukova për ndërtimet në Liqenin e Ohrit: Ndërtesat që rrezikojnë liqenin s’duhet të ndërtohen

Ministrja e mjedisit Kaja Shukova thotë se do të kërkojnë përgjigje nga pala shqiptare për aktivitetet ndërtimore në Liqenin e Ohrit, për të cilat informoi kryeministri shqiptar, Edi Rama. Në fotografitë e shpërndara nga kryeministri Rama, në vetë liqen shihen aktivitete ndërtimore më saktë ndërtimi i një marine për parkimin e anijeve si dhe një shëtitore e re përgjatë vetë bregut. Fotografitë janë nga Tushemishti, aty ku ndodhen burimet e Drilonit, pranë Pogradecit.

“Për çdo aktivitet që është brenda liqenit të Ohrit, së pari duhet të informohemi dhe së dyti duhet t’i kushtojmë vëmendje se çfarë po bëjnë, edhe pala maqedonase dhe ajo shqiptare. Nuk duhet të lejojmë të shkojmë më tej me objekte që do të rrezikojnë liqenin e Ohrit dhe baza për këtë duhet të jetë komunikimi”, deklaroi Kaja Shukova, ministre e Mjedisit.

Dy vite më parë UNESCO kërkoi që të ndërpriten planet e ndërtimit në afërsi të Drilonit pasi burimet atje kanë rëndësi të madhe për liqenin.


“Maqedonia dhe Shqipëria kanë krijuar komitet në kuadër të UNESCO-s, ku të gjitha projektet apo idetë rreth liqenit të Ohrit duhet të merren bashkë, për çdo ndërhyrje duhet pyetur pala maqedonase dhe anasjelltas. Sipas asaj që kërkoi UNESCO nga misionet e tyre të fundit, ata ndaluan çdo ndërhyrje në breg, pavarësisht a është nga pala maqedonase apo shqiptare”, u shpreh Gjoko Zoroski, ambientalist.

Arijan Meroli, ekspert i mbrojtjes së mjedisit nga Pogradeci, thotë se nëse kjo do të ndikojë negativisht në mjedisin jetësor dhe në vlerat universale të ekosistemit, UNESCO do të reagojë. Çdo hap para zbatimit të projekteve të mëdha duhet të miratohet nga UNESCO, shprehet ai. Sipas kryeministrit Rama, me këtë i vihet në dispozicion turizmit dhe ekonomisë një pjesë tjetër e natyrës shqiptare dhe në 12 muaj projekti duhet të sjellë ndryshim të plotë në Pogradec./Alsat/

Në trend Lajme

Më shumë
Dalin pamjet e momentit të aksidentit ku humbën jetën dy vajzat e reja nga komuna e Kamenicës

Dalin pamjet e momentit të aksidentit ku humbën jetën dy vajzat e reja nga komuna e Kamenicës

Lajme
Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Publikon fotot e dy vajzave që humbën jetën në aksident, kryetari i Kamenicës: Dhimbja e mëngjesit të sotëm do të na përcjell gjatë

Lajme
Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Al Jazzera: Ish zv.ambasadorja amerikane në Kosovë merr detyrën si shefe e Ballkanit në Departamentin e Shtetit

Lajme
Policia tregon se si erdhi deri te aksidenti i rëndë në Ranillug ku humbën jetën dy vajza

Policia tregon se si erdhi deri te aksidenti i rëndë në Ranillug ku humbën jetën dy vajza

Kronika e Zezë
Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Ministria e Financave njofton përfituesit e Asistencës Sociale që të ndjekin hapat e domosdoshëm për të vazhduar përfitimin nga programi

Lajme
Prokuroria autorizon policinë që të nisë hetimet ndaj Sami Kurteshit

Prokuroria autorizon policinë që të nisë hetimet ndaj Sami Kurteshit

Lajme
Kalo në kategori