Shtetet nëpër botë po bëhen gati për zgjerimin e mundshëm të coronavirusit, deri më tani kanë humbur jetën 2.763 – të infektuar janë 80.970

Shtetet nga e mbarë bota janë duke u bërë gati për çfarëdo zgjerimi eventual të coronavirusit, nga i cili deri më tani janë infektuar 80.970 dhe kanë humbur jetën 2.763.

Numri më i madh i të infektuarve në Evropë është në Itali, ku deri më tani kanë humbur jetën 11 persona dhe janë infektuar 300, e rastet e freskëta janë konfirmuar në Kroaci, Zvicër dhe Austri, transmeton Telegrafi.

Në Britani të Madhe dhe në shtetet tjera evropiane, nxënësit që kthehen nga ekskursionet këshillohen që për një kohë të qëndrojnë nëpër shtëpitë e tyre, derisa janë paralajmëruar edhe të mos udhëtojnë për në Itali për shkak të coronavirusit.

Zyrtarët amerikanë kanë njoftuar se presin zgjerimin e epidemisë së coronavirusit dhe pikërisht për këtë kanë këshilluar kompanitë, autoritetet lokale dhe manxhmentin e shkollave që të shmangin tubimet dhe të ndërmarrin masa.

Shefja e qendrës amerikane për kontroll dhe parandalim të sëmundjeve Nensi Mesoner, ka deklaruar se pritet që coronavirusi të zgjerohet tutje nëpër SHBA.

Ministri australian i Shëndetësisë, Greg Hunt, ka paralajmëruar se në këtë vend do të mbyllen shkollat dhe do të anulohen aktivitetet sportive nëse vjen deri të zgjerimi e epidemisë së coronavirusit.

Deri më tani në këtë vend janë regjistruar 23 raste, e më të rejat janë  regjistruar në botë janë në Hong Kong, Tajlandë, Filipine dhe Japoni. /Telegrafi/