Shtatzënë dhe me stil, Rihanna merr sërish vëmendjen me paraqitjen e saj gjersa është në pritje të fëmijës së dytë

Rihanna ktheu kokën teksa mbërriti për një vakt familjar në restorantin “Giorgio Baldi” në Santa Monica të mërkurën mbrëma.

Këngëtarja 35 vjeçe, e cila është në pritje të fëmijës së saj të dytë me partnerin A$AP Rocky, 34 vjeç, dukej magjepsëse teksa mbante në krahë djalin e saj 10 muajsh të buzëqeshur.

Rihanna dukej tejet me stil e veshur me një fustan të madhësisë së gjerë, shkruan DailyMail.

Interpretuesja e hitit “Umbrella” tregoi këmbët e saj të tonifikuara teksa kishte veshur një fund transparent prej tyli poshtë këmishës.

Rihanna i shtoi edhe më shumë shkëlqim dukjes duke vënë një palë syze dielli të zeza dhe taka të zeza.

Djali i Rihannas dukej i adhurueshëm i veshur me rroba blu, ndërsa fotografohej me nënën e tij nga papaparacët që gjendeshin jashtë restorantit.

A$AP kishte veshur ndërkohë një xhup me kapuç lëkure të zezë dhe pantallona të ngjashme.

Rihanna dhe partneri i saj A$AP Rocky mirëpritën në jetë djalin e tyre në maj të vitit 2022, por nuk u dhanë fansave një paraqitje të shkurtër të fytyrës së tij deri në dhjetor.

Këngëtarja u bëri fansave një tjetër befasi kur zbuloi gjatë paraqitjes së saj në Super Bowl Halftime se është sërish shtatzënë.

Duket se restoranti “Giorgio Baldi” është restoranti i preferuar i Rihannas gjatë shtatzënisë së saj pasi kjo është hera e dytë këtë javë që ata e vizitojnë atë.

Duke folur për Insider, kamarieri i Rihannas, Marco, zbuloi se këngëtarja nuk dështon kurrë të porosisë ravioli, njoki dhe spageti pomodoro sa herë që hyn, të cilat ndonjëherë mund të arrijnë deri tre netë në javë.

Këngëtarja e hitit “Diamonds” është parë shpesh duke vizituar restorantin, i cili është gjithashtu i pëlqyer nga yje të tjerë të famshëm si Kim Kardashian. /Telegrafi/