Shtatë ngjyrat e flokëve që do të ‘pushtojnë’ sallonet e bukurisë gjatë vitit 2023

Zbuloni më shumë rreth asaj që do të jetë në trend

Ndryshimi i ngjyrës së flokëve është mënyra më e thjeshtë për të transformuar pamjen tuaj në të bukur, tërheqës dhe në modë

Nëse po kërkoni arsye për një ndryshim në pamjet tuaj atëherë le të jetë fillimi i një vitit të ri ai që ju shtyn drejt sallonit të bukurisë.

Bazuar në disa këshilla profesionistësh, nëse doni të ndryshoni dukjen tuaj, këto janë trendet që duhet të ndiqni.

1. Pastel Rose Gold

Ky vit do të jetë i gjithi për një ‘llok’ të butë, pastel ngjyrë rozë – një pamje e tonifikuar e bakrit që kombinon bionden dhe arin për të krijuar një nuancë rozë, një nuancë që po kthehet nga vitet ’90 dhe fillimi i viteve 2000. Interesi i vajzave duket se po kalon sërish nga nuancat e ndritshme dhe më të guximshme në tone më të buta.

2. Subtle Ombré

Një tjetër trend që do të shihni është ombre. Kjo teknikë e përzierjes përmban një nuancë më të fortë sipër me një nuancë tjetër që duket se shkrihet natyrshëm nga mesi i fijeve deri në skajet.

3. Violet-Inspired Brunette

Viti 2023 do të shohë zeshkane që do të zhvendosen drejt kafeve më të errëta dhe më të ftohta që duket se kanë një nuancë të patëllxhanit dhe qershisë. Kjo ngjyrë flokësh është një ndryshim i shkëlqyeshëm sezonal për zeshkane që të shtojnë dimensione. Nuanca vjollcë i shton një “gjallëri” flokëve pa u bërë plotësisht e kuqe.

4. Radiant Red

Mania e flokëve të kuq që patë gjatë gjithë vjeshtës do vijojë të jetë trend. Mund të ketë shumë variacione për ta personalizuar atë në tonin e lëkurës, kështu që çdokush mund të zgjedhë një të kuqe rrezatuese. Mendoni më shumë të kuqe të artë dhe luleshtrydhe të pasura me thekse bionde.

5. Barbiecore Pink

Barbiecore ishte një super-trend gjatë gjithë vitit 2022, dhe asgjë s’do ndyshojë në 2023. Flokët rozë të ndezur do të jenë gjatë kryefjalë. Ka shumë nuanca të ndryshme të trëndafilit për të zgjedhur, pavarësisht nëse doni diçka të ndezur apo më pastel.

6. Illuminated Brunette

Ose alla Hailey Bieber, përmban një bazë kafe me thekse të plota, në mënyrë që të duket dinamike nga të gjitha këndet. Lejon që flokët të jenë gjithashtu në gjendje më të mirë pasi kërkojnë pak mirëmbajtje.

7. Targaryen Blonde

Shtëpia e Dragoit të HBO-së ka frymëzuar rikthimin e flokëve biondë platini të akullt. Ndërkohë që kjo ngjyrë kërkon shumë mirëmbajtje, është një pamje super argëtuese dhe mbresëlënëse për t’u provuar. Mund të bëni një bjonde platini më të ftohtë ose ta ngrohni pak si nuanca e Taylor Swift, në varësi të asaj që duket më mirë me tonin e lëkurës tuaj.