Shtatë filmat që janë përshtatur më së miri nga librat

Për të bërë një adaptim të suksesshëm nga libri në ekran, është konsideruar gjithmonë shumë e vështirë për t’u arritur.

Në pjesën më të madhe të kohës dëgjojmë diçka si: “Oh, të lutem, libri ishte shumë më i mirë”. Është e vështirë për disa njerëz të pranojnë se ka libra që dalin shumë më mirë në ekranin e madh.

Ne jemi dakord, nuk ndodh shpesh dhe në përgjithësi filmat nuk mund të kapin të gjithë magjinë e librit. Por le të jemi të ndershëm, dhe të themi se nganjëherë ndodh.

Bright Side ka sjell një listë këto filma të cilët kanë pasqyruar më së miri ngjarjen nga librat në të cilët janë bazuar.

Mundohuni të lexoni romanin dhe pastaj shikoni filmin. Ju me siguri do ta pëlqeni më shumë paraqitjen vizuale të tij. Filmi ishte një sukses i madh dhe madje edhe tani, njëzet vjet më vonë, historia e mrekullueshme e një njeriu të pazakontë shkrin zemrat tona sa herë që e shikojmë atë.

Rasti i çuditshëm i filmit të Benjamin Button ndryshon shumë nga tregimi i shkurtër i F. Scott Fitzgerald, mbi të cilin bazohet. Historia origjinale merr vetëm disa faqe për të përshkruar aspektet e plakjes së historisë intriguese dhe magjepsëse të Benjaminit. Sidoqoftë, David Fincher, regjisor i filmit, arriti të zbulojë disa nga misteret që Fitzgerald la të pambuluara. Historia e dashurisë, besimit dhe shpresës së marrë nga libri mori shansin e dytë për t’u dëgjuar dhe parë në ekranin e madh.

Novela e Stephen King, Rita Hayworth dhe Shawshank Redemption, mund të mos jetë puna e tyre më e prekshme, e mbushur me emocione apo trajtimi i disa problemeve serioze, por ajo shërbeu si bazë e frymëzim i madh për historinë në ekran. “The Shawshank Redemption” tashmë është bërë një klasik i kinematografisë. Në përgjithësi konsiderohet si një film i domosdoshëm, një nga filmat më të mirë të të gjitha kohërave, dhe më e rëndësishmja, edhe Stephen King përmend filmin si një nga përshtatjet e tij të preferuara të veprave të tij.

“The Great Gatsby” është një roman me të vërtetë i madh i shkruar nga autori amerikan F. Scott Fitzgerald. Filmi, megjithatë, shton më shumë ngjyra në histori, duke e bërë atë më të sinqertë dhe magjepsës. Vetëm pas shikimit të filmit, mund të kuptoni ndjenjat e përziera të protagonistëve dhe mënyrën e jetesës që ata preferojnë të jetojnë.

Libri i W. Somerset Maugham me të njëjtin emër kishte të bënte me personazhin kryesor, Kitty Garstin, dhe të gjitha llojet e ndjenjave të reja që kishte ndaj njerëzve rreth saj – dashuri, besim, detyrë, mashtrim. Regjisori i filmit, John Curran, dhe ekipi i tij i mahnitshëm u përpoqën t’i shikojnë të gjitha ato gjëra pak më gjerësisht – treguan se dashuria përfundimisht vjen në fund dhe të gjithë njerëzit përfundojnë me guximin e tyre për të bërë një hap përpara.

Shkruar nga Peter Benchley, “Jaws” ishte fillimisht në lidhje me një peshkaqen të bardhë që terrorizonte një qytet të vogël. Një adaptim i filmit nga Steven Spielberg në vitin 1975 filloi konceptin e bllokut të verës dhe e bëri historinë tepër popullore në mbarë botën. Në atë kohë, “Jaws”, duke qenë një film thriller fantastik, prodhoi disa efekte serioze duke ulur dhe është konsideruar me të drejtë një nga filmat më të madh të bërë ndonjëherë.

“Interview with the Vampire” është një film i madh amerikan i zhanrit dramë, i bazuar në romanin me të njëjtin emër nga Anne Rice. Nëse nuk e keni lexuar ende librin, por keni parë filmin, mos u ndjeni keq: historia në ekranit përputhet në mënyrë të përkryer me atë të shkruar në letër. Personazhet kryesore, personalitetet e tyre, kostumet, kritikat – regjisori la gjithçka pothuajse të paprekur, ashtu siç ishte në libër. Epo, përveç një gjëje të vogël. Fundi i filmit dhe i romanit sugjerojnë ide shumë të ndryshme. /Telegrafi/