Një shqiptar është dënuar me burgim të përjetshëm pasi ka rrahur për vdekje kolegun e punës në fabrikën “General Motors” në Orion Township.
Astrit Gjon Bushi, 49 vjeçare u dënua prej gjykatës së qarkut Oakland. Një juri e dënoi atë për vrasje të shkallës së parë. Sipas të dhënave të gjykatës, ai i shkaktoi vdekjen Gregory Lanier Robertson nga Pontiac, në gusht të vitit 2022.
Hetuesit thanë se Bushi, i cili është nga Shqipëria dhe Robertson ishin bashkëpunëtorë në fabrikë.
Të dy ishin të punësuar në një kompani të pastrimit të kontraktuar nga GM, raporton detroitnews.
Zyrtarët policorë të Qarkut Oakland u thirrën në fabrikë rreth orës 01:40 të mëngjesit më 11 gusht të vitit 2022 pas raportimit për një grindje që rezultoi me plagosjen e një personi.
Ata arritën në vendin e ngjarjes dhe e gjetën pa ndjenja dhe të gjakosur Robertsonin. Policët dhe mjekët provuan t’ia shpëtonin jetën 49-vjeçarit, por nuk ia arritën dot.
Policia e gjeti Bushin duke qëndruar pranë trupit të Robertsonit dhe e arrestuan. /Telegrafi/
