Shkaktarët më të shpeshtë të infeksioneve urinare te gratë, doktori Fahredin Veselaj tregon simptomat 

Doktor Fahredin Veselaj në podcastin “Shëndeti në rend të parë” ka folur për problemet urologjike, infeksionet, gurët në veshka, kancerin e prostatës, moshën e rekomanduar për syneti të djemve, etj.

Veselaj në këtë episod tregon edhe për shkaktarët më të shpeshtë të infeksioneve urinare te gratë dhe simptomat.

“… Infeksionet urinare janë një grup i sëmundjeve që përfshinë sistemin urinar që përfshin te dy gjinitë, dhe te të gjitha moshat, por më të shpeshtat janë te gratë. Arsyet e infeksioneve janë të shumta”, tha ai.

Sipas tij, ndërsa arsyet e infeksioneve më të shpeshta janë se uretra te gratë është e shkurtër, në periudhën e menstruacioneve mundësia për infeksione është më e madhe, aktiviteti seksual mund të rritë mundësinë për infeksione urinare, konsumi i paktë i lëngjeve dhe ujit, bakteret, etj.

Ai po ashtu theksoi se qëndrimi në ambiente të ftohta po ashtu rrit mundësinë për infeksione sepse e zvogëlon qarkullimin e gjakut në pjesë e fundme të barkut.

Doktor Veselej theksoi se simptomat më të shpeshta të infeksioneve urinare janë urinim i shpeshtë, urinimi me gjakderdhje dhe dhembje në pjesën e fundme të barkut.

Podcast-in e plotë mund ta shikoni më poshtë, ndërsa pjesën për infeksionet te gratë nga minuta 12:24. /Telegrafi/