Shitet Mercedes C63 AMG, vetura dikur në pronësi të Michael Schumacher

Vetura e bukur Mercedes-Benz C63 AMG, dikur në pronësi të kampionit legjendar të Formula 1, Michael Schumacher, tani është në kërkim të një pronari të ri.

Sipas medieve të huaja, përcjell Telegrafi, kur Schumacher iu bashkua ekipit Mercedes GP Petronas Formula 1 në fillim të vitit 2010, ai mori Mercedes-Benz C63 AMG si automjet zyrtar dhe e përdori atë deri në korrik të atij viti.

Makina më pas iu shit një pronari tjetër, një zviceran që e mbajti atë deri në vitin 2015.

Dhe pas ndryshimit të dy pronarëve të tjerë, makina do të shitet në ankand më 3 shkurt.

Është e qartë se makina ka një histori të pasur, pasi edhe pse ka kaluar 152.000 kilometra, është e servisuar rregullisht dhe janë instaluar vetëm pjesë origjinale.

Ajo thuhet se aktualisht është në gjendje shumë të mirë teknike dhe vizuale.

Pronari aktual e bleu në vitin 2018, bleu edhe goma të reja dhe vazhdoi ta mirëmbajë makinën rregullisht në servisin lokal të Mercedesit.

Brezi W204 C-Class u prodhua midis 2007 dhe 2015, dhe C63 ishte versioni më i fuqishëm.

Ajo ka një motor V8 6.2 litra që zhvillon 450 kuaj fuqi dhe 600 Nm çift rrotullues, dhe shoqërohet me një transmetim automatik me shtatë shpejtësi.

Fuqia transmetohet në të katër rrotat, dhe makina përshpejton nga 0 në 100 km/orë në rreth 4 sekonda.

Duke gjykuar nga fotot, makina do të duhet të ketë edhe pak “intervenim” për ta bërë atë të duket edhe më mirë brenda dhe jashtë.

Ajo pritet të shitet në ankand për nga 50,000 deri në 100,000 euro. /Telegrafi/