Shenjat se po konsumoni shumë kripë mund të shihen në duar dhe këmbë

Konsumimi i tepërt i kripës mund të jetë i rrezikshëm, mirëpo njerëzit nuk e dinë se kur kanë ngrënë shumë kripë.

Kripëzimi i tepërt i ushqimit mund ta rritë rrezikun e shtypjes së lartë të gjakut dhe ka një sërë shenjash që tregojnë se keni marrë shumë kripë.

Një shenjë është ënjtja e duarve dhe këmbëve. Kripa rrit sasinë e ujit që mbani në trup, gjë që mund të shkaktojë edemë – termi mjekësor për ënjtjen e nyjave, këmbëve dhe shputave.

Siç transmeton The Sun, dhe pse ënjtja shpesh mund të largohet vet, mund të jetë shenjë e diçkaje serioze nëse nuk largohet brenda pak ditësh, transmeton Telegrafi.

Lexo po ashtu Shenjat që tregojnë se po e teproni me konsumimin e kripës

Olivia Burley, nutricioniste për Programin NHS për Parandalimin e Diabetit, ka thënë se kur konsumohet shumë kripë, organizmi e ruan natriumin e tepërt dhe e rrit lëngun jashtë qelizave.

“Kjo bën që veshkat të kenë funksion të reduktuar, të heqin më pak ujë dhe për këtë arsye ta rritin presionin e gjakut”, është shprehur ajo për MailOnline.

Mund ta rritë rrezikun e sëmundjeve të zemrës, sulmit në zemër dhe goditjes në tru, si dhe aneurizmave, sëmundjeve të veshkave dhe demencës.

Lexo po ashtu Pesë arsyet e mbajtjes së ujit nga organizmi

Kripa e tepërt është një nga shkaqet kryesore të problemeve kardiovaskulare. Udhëzimet sugjerojnë që të rriturit duhet të marrin jo më shumë se 6 g në ditë, por shumica e njerëzve marrin më shumë se kjo dozë.

Pjesa më e madhe e kësaj kripe nuk vjen nga shtimi në ushqim, por fshihet në përbërësit e gatshëm për t’u ngrënë, siç janë buka dhe salcat – raporton Blood Pressure UK.

Kjo mund të shkaktojë ënjtje të duarve ose këmbëve për rreth një ditë. pasi keni ngrënë ushqime të pasura me kripë, thonë ekspertët.

Lexo po ashtu Katër produktet që rrezikojnë shëndetin e eshtrave

Studimi, i publikuar në Neurourology and Urodynamics, zbuloi se konsumimi i tepërt i kripës çdo ditë lidhej me ënjtjen e këmbëve te meshkujt e moshuar.

Ky nuk është një reagim i menjëhershëm pas ngrënies, por nëse vëreni ënjtje në këto zona brenda 24 orëve nga ngrënia e ushqimit të kripur, mund të ketë lidhje. Nëse ënjtja nuk largohet pas disa ditësh, mund të jetë një shenjë se duhet të konsultoheni me një mjek. /Telegrafi/