Shefja e CDC-së amerikane paralajmëron për një tjetër rritje të rasteve me COVID-19

Shtetet e Bashkuara ende mund të shohin një rritje tjetër të rasteve me coronavirus – edhe kur vaksinimet kundër Covid-19 po rriten me shpejtësi në të gjithë vendin – ndërsa shtetet relaksojnë kufizimet dhe më shumë amerikanë fillojnë të udhëtojnë për pushimet pranverore.

Kështu, siç shkruajnë mediat e huaja, përcjell Telegrafi, ka paralajmëruar të hënën kreu i Qendrave për Kontrollin dhe Parandalimin e Sëmundjeve, Rochelle Walensky.

“Me ardhjen e motit më të ngrohtë, e di që është joshëse të duash të relaksohesh, veçanërisht pas një dimri të vështirë që pa nivelin më të lartë të rasteve dhe vdekjeve gjatë pandemisë deri më tani”, ka thënë Walensky në një konferencë për shtyp.

Por, edhe pse shumë kolegje në SHBA i anuluan pushimet e pranverës në një përpjekje për të frenuar festat dhe infeksionet, zyrtarët e lartë të administratës së Biden janë ende të shqetësuar për udhëtarët që “po shijojnë festat e pushimeve të pranverës, pa maska”, ka thënë më tej Walensky.

Ndryshe, edhe me infeksione në rënie dhe një shtrirje të shpejtë të vaksinave, SHBA vazhdon të raportojë një bazë të rrezikshme të rasteve të përditshme që mund të shkojnë më lart nëse amerikanët nuk respektojnë masat, kanë paralajmëruar zyrtarët e lartë të shëndetësisë në Biden.

Ndërkohë bëhet e ditur se rreth 37.5 milionë njerëz në SHBA, rreth 11% e popullsisë, janë plotësisht të vaksinuar deri më tani, sipas CDC.

Shtetet e Bashkuara kanë bërë një rrugë të gjatë që nga fillimi i janarit, kur arritën një kulm prej pak më shumë se 250,000 rastesh të reja ditore, bazuar në një mesatare javore.

Kombi tani po raporton një mesatare ditore prej 53,670 infeksioneve të reja gjatë javës së fundit, një rënie prej 10% krahasuar me një javë më parë, sipas një analize të CNBC të të dhënave të përpiluara nga Universiteti Johns Hopkins. /Telegrafi/