Shefi i OKB-së arrin në Ukrainë pas bisedimeve me Putinin në Moskë

Sekretari i Përgjithshëm i OKB-së, Antonio Guterres, ka arritur në kryeqytetin ukrainas, Kiev, përpara bisedimeve me presidentin e Ukrainës, Volodymyr Zelensky.

Në një mesazh në rrjetet sociale, ai shkroi se “Kam arritur në Ukrainë pas vizitës në Moskë”.

“Ne do të vazhdojmë punën tonë për të zgjeruar mbështetjen humanitare dhe për të siguruar evakuimin e civilëve nga zonat e konfliktit. Sa më shpejt të përfundojë kjo luftë, aq më mirë – për hir të Ukrainës, Rusisë dhe botës”, shkroi ai.

I have arrived in Ukraine after visiting Moscow.

We will continue our work to expand humanitarian support & secure the evacuation of civilians from conflict zones.

The sooner this war ends, the better – for the sake of Ukraine, Russia, and the world.

— António Guterres (@antonioguterres) April 27, 2022

Dje, shefi i OKB-së dhe presidenti Vladimir Putin “ranë dakord në parim” për angazhimin e OKB-së dhe Kryqit të Kuq Ndërkombëtar në evakuimin e civilëve dhe ushtarëve nga fabrika e çelikut Azovstal.

Lexo po ashtu Sekretari i OKB-së, Guterres: Jam i shqetësuar thellësisht me situatën humanitare në Ukrainë

Kjo e fundit, e cila është shkatërruar pothuajse tërësisht nga sulmet ruse, është rezistenca e fundit e mirë organizuar në Mariupol.

Rreth 2,000 trupa dhe 1,000 civilë thuhet se janë të strehuar në bunkerë nën strukturën e shkatërruar. /Telegrafi/