Sipas legjendës angleze të futbollit, Alan Shearer, vetëm Sergio Aguero është futbollist i klasit botëror në Ligën Premier.
Deklaratat e ish-legjendës angleze të futbollit mund të mos iu pëlqejnë tifozëve të Manchester United, Liverpoolit, Arsenalit dhe Chelseat, por sipas tij, lojtari i vetëm i klasit botëror është sulmuesi i Manchester Cityt, Sergio Aguero.
“Ai është lojtar i vërtetë i klasit botëror. Unë mendoj se ne e kemi vetëm atë në Ligën tonë Premier dhe ai është qendërsulmuesi më i mirë”, ka thënë Shearer për ‘Match of the Day’, transmeton Telegrafi.
Ndërsa, ku u pyet përsëri nga moderatori, Gary Lineker, Shearer përsëri mbështeti pretendimin e tij.
“Kur ju shikoni të kaluarën e tij, i shikoni disa nga golat që ai mund të shënojë dhe golat që ai ka shënuar e shihni se ai është i klasit botëror”, përfundoi legjenda angleze. /Telegrafi/
