SHBA planifikon t’i ndajë 200 milionë dollarë për Kosovën në kuadër të MCC-së

Kryeshefi ekzekutiv i Fondacionit të Sfidave të Mijëvjeçarit, Petrit Selimi ka bërë të ditur se në buxhetin e ri të presidentit amerikan Joe Biden, Kosova planifikon të marrë mbështetje të vazhdueshme financiare nga Korporata e Sfidave të Mijëvjeçarit (MCC).

Në një shkrim në Twitter, Selimi ka thënë se në kuadër të kësaj, SHBA-ja do të vazhdojë të zhvillojë synimet duke u përqendruar në diversifikimin e energjisë – futjen e mundshme të gazit në Kosovë.

Ndërkaq, në raportin e publikuar nga MCC thuhet kërkesa është miratuar për ndarjen e mjeteve të cilat kryesisht janë të përqendruara në programe për energji.

Great! President Biden’s new budget means #Kosovo is to receive continued financial support from #MCC for its ongoing Threshold Program program w/ @MCCgov + will continue developing a much larger Compact focused on energy diversification / potential introduction of gas to Kosovo. https://t.co/i199kcM6lU

— Petrit Selimi (@Petrit) May 28, 2021

“MCC dhe Qeveria përfunduan studimet në vitin 2020 për të vlerësuar tre projekte të propozuara: zhvillimin e sektorit të gazit natyror të Kosovës, krijimin e rezervave të energjisë për balancimin e sistemit të energjisë dhe përmirësimin e shpërndarjes së energjisë elektrike. Pas rishikimit të rezultateve të studimeve, Qeveria kërkoi të shkojë përpara me zhvillimin e sektorit të gazit dhe krijimin e rezervave të energjisë me synimin për të lehtësuar integrimin e burimeve të rinovueshme, lehtësimin e varësisë së Kosovës nga qymyri dhe arritjen e qëllimeve të dekarbonizimit”, thuhet në dokument.

Ata i kanë paraparë këto projekte si formë për zhvillimin ekonomik të Kosovës, thuhet në dokumentin e arsyetimit buxhetor. /Telegrafi/