SHBA akuzon Rusinë për “shthurje dhe brutalitet” në Ukrainë

Departamenti i Mbrojtjes i SHBA-së ka akuzuar presidentin rus Vladimir Putin se ka vepruar “si i shthurur” në agresionin e tij në Ukrainë.

Sipas BBC, përcjell Telegrafi, zëdhënësi John Kirby u bë dukshëm emocional teksa shtroi pyetjen se si dikush “me moral” mund të justifikonte mizoritë e kryera nga Rusia.

Ndërkohë presidenti ukrainas Volodymyr Zelensky tha të premten se ishte ende i hapur për bisedimet e paqes me Putin.

Por ai tha se ekzistonte një rrezik i lartë që ato “mund të shemben” mes agresionit rus.

Lexo po ashtu Çfarë po ndodh në fabrikën e çelikut Azovstal në Ukrainë?

Duke folur për mediat polake, Zelensky tha se donte të takonte Putinin sepse “është njeriu i vetëm që vendos gjithçka” në Rusi.

Por shkatërrimi i lënë nga forcat ruse në zonat e pushtuara i ka bërë çdo diskutim të zbehta, shtoi ai.

Ndryshe, të enjten, Ukraina njoftoi një kërkim për 10 ushtarë rusë të akuzuar për krime lufte në Bucha – një periferi në veri të Kievit ku u vranë të paktën 400 civilë.

“Unë nuk mendoj se e vlerësuam plotësisht shkallën në të cilën [Z. Putin] do ta shkaktonte atë lloj dhune dhe mizorie”, ka thënë Kirby të premten.

Ai hodhi poshtë justifikimet e deklaruara të Putinit për pushtimin – se ai po mbron rusët dhe Ukrainën nga nazizmi – duke shtuar: “Është e vështirë për ta vendosur atë retorikë me atë që ai në fakt po bën brenda Ukrainës, njerëzve të pafajshëm, duke i qëlluar në pjesën e pasme të kokës, me duar të lidhura pas shpine. Gratë shtatzëna po vriten, spitalet po bombardohen”.

Joel Gunter i BBC-së në Kiev tha se ka prova në rritje se Rusia ka deportuar me forcë një numër të madh civilësh përtej kufirit që kur filloi agresionin në shkurt.

Lexo po ashtu Forcat ruse do të “shemben” brenda pak javësh, parashikon eksperti ushtarak britanik

E ministri i Jashtëm rus Sergei Lavrov tha në një intervistë të publikuar të shtunën se më shumë se një milion njerëz janë evakuuar nga Ukraina në Rusi që nga fillimi i agresionit në shkurt.

Lavrov i tha agjencisë shtetërore të lajmeve kineze Xinhua se aty përfshihen rreth 120,000 të huaj, përveç qindra mijëra njerëzve nga rajonet separatiste të Ukrainës lindore të mbështetur nga Rusia – Donetsk dhe Luhansk.

Por zëvendëskryeministri i Ukrainës i tha BBC-së se Moska është përpjekur të “tregtojë” civilët ukrainas me të burgosur ushtarakë rusë – një veprim i ndaluar nga Konventa e Gjenevës.

Veç këtyre, Rusia konfirmoi të premten se ushtria e saj kishte kryer një sulm ajror në kryeqytetin e Ukrainës gjatë një vizite të sekretarit të përgjithshëm të OKB-së.

Gazetarja Vira Hyrch u vra në sulm – i pari i këtij lloji në Kiev në gati dy javë – pasi ndërtesa e banimit ku ajo jetonte u godit nga një raketë.

Lexo po ashtu Ndihma e SHBA-së po e bën Ukrainën me një 'buxhet të mbrojtjes më të madh se të shumë vendeve të NATO-s'

Ndërkohë, tani kur janë bërë më shumë se dy muaj pas fillimit të agresionit, presidenti i SHBA-së, Joe Biden i ka kërkuar Kongresit, 33 miliardë dollarë në ndihmë ushtarake, ekonomike dhe humanitare për Ukrainën – një rritje e madhe e mbështetjes amerikane për Ukrainën.

Dhe Britania e Madhe tha gjithashtu se po vendoste rreth 8,000 trupa për stërvitje në të gjithë Evropën Lindore në një shfaqje të vendosmërisë së botës perëndimore kundër agresionit të vazhdueshëm të Rusisë. /Telegrafi/