Shala: Kosova do t’i përgjigjet secilit veprim të Serbisë dhe Bosnjës

Pas deklaratave të autoriteteve të Serbisë dhe Bosnjës për taksën, ministri i Tregtisë dhe Industrisë, Endrit Shala ka reaguar duke thënë se secili veprim që mund të merret kundrejt ekonomisë së Kosovës nuk është asgjë më shumë se sa emërtimi i praktikave që janë duke u zbatuar për 19 vjet nga dy shtete.

“Çdo paralajmërim nga Serbia dhe Bosnja, do ta merr përgjigjen e njëjtë edhe atë në kohë rekorde. Kosova tashmë, është shtet dhe këtë duhet ta kuptojnë Serbia dhe Bosnja e Hercegovina, që më nuk do të tolerohen të përdorin politikat të dyfishta”, tha ministri Shala.

Ministri i MTI-së për KosovaPress thotë se luftimi i Republikës së Kosovës ka ndodhur që nga pas lufta nga këto dy shtete dhe Kosova si shtet do t’i përgjigjet secilit veprim të këtyre dy shteteve.

Lexo po ashtu Bosnja dhe Serbia kërcënojnë me kundërmasa ndaj Kosovës

Ndryshe, Serbia dhe Bosnja paralajmërojnë Prishtinën zyrtare se nëse nuk heq tarifat për mallrat nga këto dy vende deri më 1 korrik, kur mbahet takimi i liderëve të Ballkanit Perëndimor në Paris, do të shqyrtojnë vendosjen e kundërmasave.

Ministri serb i Tregtisë Rasim Lajiq dhe ministri i Tregtisë dhe Marrëdhënieve Ekonomike i BeH, Mirko Sharoviq ranë dakord gjatë takimit në Sarajevë se dy vende duhet të bashkërendojnë dhe koordinojnë aktivitetet që synojnë rritjen e presionit për të shfuqizuar taksën.

Ndryshe sot Serbia dhe Bosnja kanë paralajmëruar Prishtinën zyrtare se nëse nuk heq tarifat për mallrat nga këto dy vende deri më 1 korrik, kur mbahet takimi i liderëve të Ballkanit Perëndimor në Paris, do të shqyrtojnë vendosjen e kundërmasave. /kp/Telegrafi/