Sevilla ia tregon çmimin Newcastlet për Diego Carlosin

Newcastle  mund të nënshkruajë me Diego Carlos nëse i ofrojnë Sevillas plot 45 milionë euro (37.7 milionë funte) për qendërmbrojtësin brazilian.

Klubi anglez aktualisht po refuzon të paguajë më shumë se rreth 30 milionë euro, ndërsa Diego Carlos ka refuzuar ofertën për një kontratë të re te Sevilla.

Sevilla i ofroi pothuajse dyfishimin e pagës të tij për të përputhur me atë që po i ofrohet nga Newcastle.

Carlos respekton Sevillan dhe është i lumtur në klub, por ai do të donte të transferohej në Ligën Premier.

Sevilla konsideron se 45 milionë euro është një çmim i drejtë për një qendërmbrojtës të klasit botëror, i cili është ndiqet edhe nga Real Madrid, Manchester United, Tottenham dhe Arsenal.

Ata mendojnë se nëse Newcastle do të ishte i gatshëm të shpenzonte 25 milionë funte për sulmuesin 31-vjeçar të Burnley, Chris Wood, atëherë ky përfaqëson një çmim të drejtë për Carlos.

Një tjetër klub i Ligës Premier ka ofruar gjithashtu të paguajë 35 milionë euro për Carlos, por një shkëmbim lojtarësh besohet të ketë qenë pjesë e marrëveshjes së propozuar. /Telegrafi/