Sevdai Radogoshi – Qumili në përkrahje të Labit për mos anulimin e dasmave

Këngëtari Labinot Tahiri ditë më parë bëri bujë të madhe me deklaratat e tij rreth anulimit të dasmave, ndonëse reagimet nuk munguan as nga artistët e tjerë.

Telegrafi po ashtu realizoi një artikull me disa prej këngëtarëve shqiptarë, të cilët shprehën shqetësimet dhe vlerësimin e tyre rreth vendimit të Ministrisë së Shëndetësisë.

Megjithatë, në mesin e atyre që e përkrahën këngëtarin nga Ferizaj ishte edhe humoristi i njohur nga Gjakova, Sevdai Radogoshi.

Ai këtë e ka bërë të ditur përmes një postimi të ndarë në rrjetin social, Instagram ku tregoi mbështetjen e plotë për Labin.

Lexo po ashtu Afrim Muçiqi i bashkangjitet thirrjes së Labit: Nëse në Parlament mblidhen 200 persona, pse të ketë rrezik në një dasmë

“Në mbështetje të Labit 100% shokë, koleg në mbështetje të këngëtarit Labinot Tahiri i cili informoi për mos anulimin zyrtar të ahengjeve gjatë sezonës 2020 deri në një vendim zyrtar nga shteti! Me respekt”, ka shkruar ndër tjerash ai.

https://www.instagram.com/p/B_rbl1xBB4i/

Në bazë të deklaratave të artistëve të tjerë të estradës shqiptare, ndalimi i dasmave nga Ministria nuk i  dëmton vetëm këngëtarët por një hallkë, ku janë të përfshirë edhe profesionet e tjera.

Sidoqoftë, në ditët në vijim presim të shohim një vendim përfundimtar marrë parasysh situatën e kohëve të fundit. /Telegrafi/