Serbia ia ndalon hyrjen në vend ish-ministres malazeze të Integrime Evropiane, Milatoviq: Ajo nuk paraqet kërcënim për sigurinë

Serbia njofton se ia ka ndaluar hyrjen në vend ish-ministres malazeze të Integrime Evropiane, Jovana Maroviq.

Lidhur me këtë ka reaguar presidenti malazez Jakov Milatoviq, duke thënë se Maroviq nuk paraqet kërcënim për sigurinë.

“Jam i befasuar që asaj iu ndalua hyrja në Serbi, veçanërisht duke pasur parasysh angazhimin e saj shumëvjeçar në sektorin civil si në vend ashtu edhe në rajon. Jam i sigurt që Jovana nuk është kërcënim për sigurinë”, thuhet në reagimin e Milatoviqit në rrjetin social X.

Upravo sam razgovarao sa @JoMarovic . Dobro je i stigla je u 🇲🇪. Iznenađen sam da joj je zabranjen ulazak u Srbiju, a posebno imajući u vidu njen dugogodišnji angažman u civilnom sektoru kako u 🇲🇪 tako i u regionu. Siguran sam da Jovana nije prijetnja po bezbjednost 🇷🇸. 1/2

— Jakov Milatovic 🇲🇪🇪🇺 (@JakovMilatovic) August 23, 2023

Për një kohë të gjatë, Maroviq ishte subjekt i shkrimeve të tabloideve në Serbi, për shkak të pikëpamjeve të saj të deklaruara publikisht, në të cilat ajo është sulmuar brutalisht nga këto medie.

Ajo ishte ministre e Integrimeve Evropiane të Malit të Zi dhe zëvendëskryeministre në Qeverinë e Dritan Abazoviq.

Maroviq dha dorëheqjen nga të gjitha pozitat politike në fund të nëntorit të vitit të kaluar. /Telegrafi/

Odbijen mi je ulazak u Srbiju zbog ‘zaštite bezbednosti Republike Srbije i njenih građana’.

Hvala @avucic što pravite od mene heroinu.

— Jovana Marovic (@JoMarovic) August 23, 2023