Serbi me prejardhje nga Kosova rrah protestuesit në Beograd – gjithçka ndodh para syve të policisë që nuk reagojnë

Ndërkohë që para RTS-së ka një bllokadë që studentët e kanë nisur të hënën dhe që ka zgjatur gjithë natën, situata nuk ka qenë e qetë as në “parkun e Pionierëve”, shkruan Nova.

Në vendin ku u mblodhën gjoja “studentët që duan të mësojnë” si pjesë e kundërofensivës të regjimit në përpjekje për të shtypur me të gjitha mjetet rebelimin popullor, kanë ndodhur sërish incidente, transmeton Telegrafi.

Ndonëse është e qartë se në tendat në mesin e “studentëve 2.0” ka më së paku qytetarë akademikë dhe shumë më tepër njerëz nga mjedisi kriminal, dhe kjo u pa më së miri gjatë natës së kaluar.

Qytetarët që vijnë rregullisht për të ekspozuar lojën e pistë të pushtetarëve dhe që ndihmojnë për të zbuluar identitetin e të pranishmëve, u gjendën nën sulmin e të ashtuquajturve studentë.

Në profilin e “Sava Embankment” ka dalë një incizim i një bisede mes njërit prej qytetarëve të pranishëm dhe të ashtuquajturve studentë, dhe pas kërcënimeve të njërit prej studentëve ka pasuar një sulm fizik.

Njëri nga nxënësit u hodh mbi gardh, i ndjekur nga një tjetër dhe filluan të godasin me shqelma dhe grushta njërin prej të pranishmëve, ndërsa policia doli me vrap me vonesë, duke hezituar të reagojë në mënyrë adekuate.

Banditi është kthyer pas gardhit pas pak kohësh dhe me gjithë këmbënguljen e qytetarëve që policia ta arrestojë, kjo nuk ka ndodhur dhe ka vazhduar me ofendimet.

View this post on Instagram

A post shared by Savski nasip (@savski_nasip)

Është Nikolla Trajkoviq Trajçe, siç ka zbuluar një përdorues në rrjetin social X. Trajkoviq është nga Prishtina që jeton në Stepojevc. /Telegrafi/