Schmidt: Android shumë më i sigurtë se iOS

Siguria e telefonave mobil është temë e komplikuar, posaçërisht kur vjen fjala për platformat mobile të cilat vazhdimisht ndryshojnë dhe zhvillohen.

Perceptim i përgjithshëm është se Android është sistem operativ paksa më i sigurtë sesa Apple iOS.

Të paktën kështu mendon presidenti i Google, Eric Schmidt. Ai ka thënë se telefonat Android janë më të sigurtë dhe më të mbrojtur sesa rivali iPhone.

Ky koment vjen menjëherë pas konfirmimit se vetëm 0.001% e virusëve në platformën e Google mund tu ikin masave të sigurisë të cilat i ka Android.

Mirëpo Eric Schmidt ka dhënë më shumë sqarime, duke thënë se vetë diskutimi për këtë temë është problematik, mirëpo ka shtuar se edhe pse shumica mendojnë se sistemi operativ i Google i cili është me burim të hapur është më pak i sigurtë, realiteti në terren e dëshmon të kundërtën.

Në fund të diskutimit të tij, Schmidt ka pyetur të pranishmit se çka do të zgjedhnin ata më parë, kontrollin e plotë të një sistemi të mbyllur, apo zgjedhjen e hapur, e cila mundëson shumë adaptim dhe funksionalitet. / Telegrafi /