Saviano, denoncuesi i mafies që jeton nën mbrojtje speciale: ISIS-i kultivon kanabis në Shqipëri (Video)

Shkrimtari i famshëm italian që ka denoncuar dhe raportuar mbi mafien italiane, e i cili jeton në fshehtësi dhe mbrojtje speciale për shkak të kërcënimit me vrasje nga ana e mafies, ka dhënë një intervistë për Euronews në lidhje me krimin e organizuar ndërkombëtar.

Në këtë intervistë Roberto Saviano ka thënë se të gjitha gomonet që kalojnë Mesdheun menaxhohen nga kartelet, por jo nga kartelet italiane siç mendojnë të gjithë.

“Mafia nuk ka gisht në këtë trafik. Janë grupet turke, libiane dhe libaneze që kanë investuar në trafikimin e njërëzve dhe Evropa nuk ka as idenë më të vogël për këtë zhvillim. Kartelet që menaxhuan mbërritjen e sirianëve në Evropë janë të gjitha pjesë e mafies turke, e cila është e njëjta mafie që menaxhon heroinën që vjen nga Afganistani. Shteti Islamik (SHI), Kalifati, për shembull, ka tre burime kryesore fitimi, të gjitha nga aktivitete kriminale: shantazhi ndaj bizneseve, kontrabanda e naftës dhe kontrabanda e veprave të artit. Burimi i katërt është droga-kategoni që është një lloj meta-amfetamine ose marihuana që kultivon në Shqipëri”, ka thënë ai. /mapo/