Leroy Sane duket se do të largohet në verë nga Bayern Munich, pasi nuk është më i rëndësishëm te bavarezët.
Sulmuesi anësorë mund të rikthehet në elitën e futbollit anglez Ligën Premier, ku kishte luajtur për disa vite te Manchester City.
TBR Football raporton se Leroy Sane i është ofruar skuadrave angleze si Liverpool , Tottenham Hotspur, Manchester United, Arsenal dhe Newcastle Unitedit.
Ndjekja e Liverpool mund të varet nga e ardhmja e pasigurt e Mohamed Salah, ndërsa Tottenham, Arsenal dhe Manchester United po eksplorojnë gjithashtu përforcime në sulm.
Përfaqësuesit e Sane janë në diskutime me klube të ndryshme në të gjithë Evropën, duke përfshirë interesimin nga Spanja dhe Italia.
Edhe pse qëndrimi te Bayern Munich nuk është përjashtuar, duket e pamundur në këtë fazë.
Sane do të largohet në verë nga Bayerni pasi kontrata e tij skadon me klubin gjerman. /Telegrafi
