Sa kushton fanella e re e Barçës si mysafir krahasuar me atë të Mbappes – vetëm një cent diferencë

Më herët gjatë ditës së sotme, Barcelona zbuloi fanellën e re si mysafir për sezonin – një e zezë elegante e zbukuruar me thekse të mrekullueshme të kuqe dhe blu dhe një logo të theksuar të Spotify në pjesën e përparme.

Sa do të kushtonte për të marrë në dorë një të tillë?

Nëse po shikoni një fanellë me, për shembull, emrin e Lamine Yamal dhe logon e Ligës së Kampionëve, përgatituni të shpenzoni 185 euro marramendëse – po aq sa do të paguante një tifoz i Real Madridit për atë të Kylian Mbappes.

Megjithëse, ndryshe nga fanella e Mbappes, të cilat janë më të shtrenjta për shkak të një klauzole të veçantë në kontratën e tij që i jep atij 80 për qind të të drejtave të imazhit nga shitja e fanellave, lojtarët e Barcelonës nuk kanë marrëveshje të tilla.

Pra, fanellat me emra si Robert Lewandowski apo Alex Balde do të kishin një çmim të njëjtë me atë të Yamal.

Duket se katalanasit e kanë rritur çmimin për të ndihmuar në përshpejtimin e rinovimit të vazhdueshëm të Camp Nou. /Telegrafi/