Rusët besojnë që presidenti Putin mbron interesat e oligarkëve dhe jo të qytetarëve

Sipas medium rus TV Rain, nga hulumtim i opinionit publik i kryer nga qendra “Levada”, vërehet trendi në rrënie i mbështetjes dhe besimit të rusëve për presidentin Vladimir Putin.

Kësaj here pyetësori i hulumtimi nuk kishte të bënte direkt me mbështetjen e tij, por me atë se interesat e kujt i mbështet Putini. Për të arritur te ky rezultat sociologët e “Levanda”-së kanë bërë shtatë hulumtime të opinionit për publikun rus.

Rezultatet e hulumtimit për TV Rain i kishte shpjeguar sociolog Denis Volkov.

Sipas Volkov, nga rezultatet e hulumtimit, 38 për qind e të anketuarve besojnë se presidenti Putin i mbron interesat e oligarkëve, bankierëve dhe biznesmenëve të mëdhenj rus.

Në anketimin e parë, vetëm 26 për qind e pjesëmarrësve besonin që ai i mbron interesat e oligarkëve, pra kemi një rritje prej 12 për qind.

Pos mbështetjes së oligarkëve, 37 për qind e të anketuarve besojnë që Putin i mbron interesat e strukturave të sigurisë dhe ushtrisë.

Vetëm 18 për qind e të anketuarve besojnë që ai i mbron interesat e klasës së mesme, e cila klasë përbën numrin më të madh të banorëve të Rusisë.

Është interesant fakti që për herë të parë në njëzetë vitet e udhëheqjes së Putinit, oligarkët dalin si më të preferuar e presidentit Putin, duke lenë mbrapa strukturat e sigurisë dhe ushtrisë, të cilët në të gjitha hulumtimet e mëhershme dilnin si më të preferuarit e tij.